HAPPY FRIDAY嘛...做晒功課雖然已經開始眼訓，
但見星期六慣性唔較鬧鐘就放肆晚啦，聽歌嘿嘿^0^
聽日起身我諗首要目標係溫書，再唔開始死得人-V-
難得早幾日日特登唔打波，騰空多兩個小時做野XD.
好耐未試過四點幾就可以舒舒服服咁樣返到屋企喇^0^
就連練琴都練左個半鐘，嘿隻手指尾仲有少少痛XOX
十年黎未試過學琴學到咁大壓力，每次都怕彈唔好，
雖然曲目難度差唔多，但始終老師對我既要求高左@@
況且黎緊四月考試，但宜家仲有三首歌都渾渾噩噩-__-
只不過係演奏一級就已經咁懊惱，都唔知遲啲點算>_<
呢幾日幾熱衷於上英文堂，因為有個小型辯論比賽:D
MALAMIDIS講完議題就叫我地搜集資料寫講稿-V-
冇錯過程係幾困擾，但諗到上堂咁輕鬆就好開心XD.
嘿幾中意英文堂教DRAMA或者DEBATE野*V*
呢個活動我地組好認真準備，真係上網睇左唔少數據，
最後TRACY`HELEN同我既表現都獲得好評^0^
但因為四分鐘要讀份好長既講稿，所以就機關槍式咁講，
就連自己都覺得快，仲有就係緊張得濟隻手好震>_<
先前MS.LEUNG主持周會圍繞住「自信心」黎講:)
真係精彩到一刻睡意都無，四十分鐘都專心致致B-)
佢講既減壓方法幾有效， SUCCESS JOURNAL-V-
將自己歷年所有ACHIEVEMENTS都記低開心下@@
中間播左個迷失自我既青年短片，佢啲白日夢笑死人；
最後播NICK VUJICIC果時有種振奮人心既感覺，
身體有缺陷既佢受盡冷嘲熱諷，最終都學會看開:O
有時聽到佢對生命既尊重，同理想既渴望就好感動:$
班會都開始上番軌道，活動、PARTY太多野搞喇>_<
遲啲全方位學習日又係要自己搞，決定目的地真係好難...
話就話成班聚會去邊度玩都開心，但唔想次次都沙灘，
郊野公園呢啲囉@@ 所以目前正正為「新穎」而煩惱:O
樣樣都要跟到好足，隔兩三日就要問進度添，天啊T^T
冇錯好多野都拖黎做，但至少目前我仲有果顆熱誠的心-V-
十月萬聖節，首年去晒香港兩個主題樂園，大滿足啊:D
相隔唔知幾多年冇玩過飛越太空山，呢日當新野玩-V-
跟住仲有灰態山谷同沖天飛車，如果再快啲會好啲囉:$
但果種好似就黎被拋落地既感覺真係好刺激好爽啊:D
夜晚既HALLOWEEN PARADE最期待就係JACK:P
原本可以同佢影相架-V-" 但來遲一步就無得怨天尤人:(
題外話MICKEY同MINNIE佢地件萬聖節衫好令@@
其餘時間都係周圍搵得意野影相，嘿環境真係好令囉^0^
係旋轉木馬旁邊仰望上空，目不暇給，璀璨奪目既煙花:D
五光十色既條紋劃破長空，加上辟歷啪辣既爆炸聲響，
同埋好多首娓娓動聽既卡通片主題曲，格外喜悅B-)
呢個正正係我咁鍾愛於迪士尼樂園既原因:$ 嘻嘻XD.
重陽節，慶幸海洋公園人流唔算多，排隊時間唔長-V-
結果日頭就幾乎將所有機動遊戲掃晒，已經冇個驚喇:P
難怪啦，就連跳樓機都連續玩左兩次XD.真係好爽！
諗番起第一次比阿BREAD同MAN捉左上去玩@@
果時去到最高點飽覽成個海洋公園既感覺又驚又嘆:O
滑浪飛船都好耐未玩過，坐頭位濕少少都算好彩啦:$
海盜船終於無咩人爭坐第一排，離心力都幾勁haha.
但舉起雙手，PATPAT離櫈真係會別有一番體驗*V*
話說呢日見到唔少南瓜纜車，落山咁岩輪到我地坐:P
果刻大家興奮到呢，誇張啲黎講好似死而無憾咁LOL
落車之後把握到時間自拍左張相，只能說技術太高超:$
至於鬼屋，坦白講迪士尼果兩間都唔算太驚嚇囉haha.
或者通道太闊，好易估到啲鬼會係咩位置彈出黎-V-
有次我仲趁隻鬼另轉頭果刻衝上前，結果嚇親佢@@
始終迪士尼都彌漫住童話味道，唔夠海洋公園咁真實:$
海洋公園旁晚開始真係好有氣氛，好多「街頭表演」，
其中有三個以布偶形象出場，整估啲觀眾，行為趣緻-V-
成班遊人都圍住佢地，佢地跳舞都好犀利架，精彩絕倫:)
仲有好多鬼周圍遊蕩，失雞無神就會行埋黎嚇下你咁-3-
我地成日加加埋埋仲搵左好多隻造型古靈精怪既影相:P
跟住啲鬼屋都好有噱頭，好吸引架囉，期待下年再去*V*
|
