八月三日，心情唔多好ge一個禮拜三。

尋晚同樣都係一點半訓教，今日又九點起身，

原因就係要去打波。今日又黎左次「地嶽式訓練」，

先接教練啲放網、高波同埋殺波，跟住跳五十下「雙飛」，

再打單打。但如果單打一輸波，又要跳五十下「雙飛」。

之後就做類似掌上壓（心口向上的掌下壓）ge體能訓練，

同樣又係坐底做五十下啦。最後再踎住黎行十分鐘。

離開運動場果陣時，慶幸自己仲有機會行得走得……

嘻嘻，聽晚六至七又有場打啦，實在太好啦！

返到屋企，沖完涼就練琴，彈得幾好架。

奈何跟住學琴果陣時彈就差好遠，唔知係咩野問題……

見到自己彈到咁，真係好失望，冇野好講。

學完琴就繼續上MSN啦，傾左一陣，思緒混亂，所以就選擇打機。

夜晚媽咪返工之後，買PHD返黎食，

果個唔知咩「芒乜海撒薄餅」真係好好食，

碗粟米湯同埋啲蜜汁燒雞翼都好好味，下次再要去「幫襯」。

話雖PHD係Pizzahut子公司姐，但係我覺得PHD啲野食仲好食。