七月廿九日，零特別ge一個星期四。

尋晚一點幾開始嘗試訓，但係眼光光咁樣，

爸爸見到我就話：「未眼訓咪落黎睇陣書先囉！」

我實在太開心啦，最後睇到兩點半到，就睇哂本Matilda啦！

我覺得好好睇，個結局簡直係出人意表，好正！推介推介。

今朝因為好多野做，自己set好鬧鐘，九點半起左身啦。

我完全想像唔到自己係假期可以咁早起身，太陽由西邊上升……

跟住都係練琴、做Tense，同埋做埋中文本極品果兩個Listening，

哈哈，終於做剩Mock Paper啲寫作部分炸，USH，加油！

晏咒就又出北角學琴，老師話我「有進步」喔，好開心呀！

跟住返屋企就坐小巴啦，臨落車前幾十米叫邊度有落啦，

個司機就聽唔到，跟住又有個女人repeat我講邊度有落，

跟住個司機終於揮手「作實」啦，但結果因為見到盞綠燈，

廢事停車，冇停到係果個比較敏感ge位置，去到下個站先比人落……

我都未見過呢啲又聾、又老、又懶同又賤ge小巴司機，離哂譜。

返到屋企同樣搵人Chat下咁啦，跟住都冇咩野做啦！

傾傾下發現出面個天原來比一層激厚ge烏雲遮哂，好彩我唔洗出街姐。

夜晚睇完法網群英之後就順手寫埋個Matilda Book Report，爽呀！

宜家仲係十一點幾姐，邊有咁早訓，打下機先啦！

至於聽日做咩好呢？未唸到，都係練琴、上網同埋打機啦！

最極限都係開始睇下本Who moved my cheese? 同埋做下喜閱天地啦！

話哂放假至今我一篇做未做過，所以我決定用「甲乙丙丁」策略，嘻嘻！