七月十三日，一個仍然排滿行程ge一個星期二，

今日八點半起身，慢動作咁樣返左小學，

因為班老師叫左成班人返去幫手點野同執野，哈哈！

我地呢班童工幾乎用左兩個幾鐘先搞店，成十二點啦。

之後，周老師就黎左好多好多錢比我地去買KFC，

當然係買個大套餐啦，話哂都有成十二個人食喎！

結果就買左個唔知咩野「狂熱派對套餐」，食得好飽呀！

話說我攡兜飯去我面前食果陣時，唔小心咁大力左啲返係枱面，

結果啲汁就彈左落周老師道……換黎Miss Lo同周老師ge兩句諷刺ge話：

「喂，Justin，你唔想食都唔洗發脾氣呀？」、「你咩料呀！」

其實我都唔想架，不過好彩大家都係講笑姐，嘻嘻！

最後同班老師傾多陣計，就出左去太古地鐵站。

會合左Carmen同Phoebe之後，等埋Ricky哥哥，

就去左Phoebe屋企整埋送比老師啲禮物ge手尾，

其實都唔算手尾，因為越整就覺得越多野未做……

過左冇幾耐，Jojo，Sara同Crystal都上埋黎一齊幫手，

真係多謝哂你地呀！我地一路整，一路講野，所以個進度有啲慢！

太陽落左山之後，冇啦啦講開鬼怪啲野，跟住大家就越講越恐怖。

最後，我地七點半先至走，而果啲禮物算係完成左咁啦！

呢個時候，真係好驚跟住果日張成績表……

為免夜長夢多，十二點幾就訓左覺啦，實在太好lu。

選自：http://hk.myblog.yahoo.com/yatcheung_1997/article?mid=4361