七月七日，回想起一年前ge呢一日可以話係提心吊膽，

宜家唸番起都真係覺得「時間過得真係好快」，話咁快就一年啦。

唉，唸番起，實在有太多ge同學入左聖馬可呢間學校啦，唉！

去番正題，話說我尋晚睇哂成場荷蘭對烏拉圭，呢場都幾精彩，

全場果四個入球都入得好靚，話雖我比較鍾意荷蘭呢一隊，

但係世界杯冇南美足球隊似乎怪怪地，變左歐洲國家杯，哈哈！

不過冇所謂啦，恭喜荷蘭終於以3-2呢個比數出線到決賽喔。

由於今朝去左柴灣同媽咪打羽毛球，所以就好攰咁爬落床，

出奇地今日打完一個鐘係出哂汗呀，搞咩鬼呀？

食完晏咒果餐之後，再一次返去柴灣體育館，呢兩個鐘就同校隊打啦！

今日同個F.2男仔拍住打雙打，嬴哂！至於自己單打就輸11-9同11-6，唉！

慶幸ge係今日冇咩變態體能訓練，不幸就係我又整親條腰，Oh My God！

打完兩個鐘之後，成個人硬哂呔咁，條腰又唔多旭到，成個人好似虛脫咁樣冇哂力！

因為夜啲又有一場大戰，德國對西班牙，所以我決定唔訓，以免一睡不起。

而係呢個時間，我決定執執間二次大戰後ge房，

結果就用左兩個鐘頭ge時間去左搬右搬，哇哈哈！

唔知咁樣連踩兩晚，踩到四點半會點呢？聽日變熊貓，嘻嘻！

期待呢場四強賽事ge壓軸好戲，我捧西班牙，你一定要幫阿根廷、英國報仇……

選自：http://hk.myblog.yahoo.com/yatcheung_1997/article?mid=4351