今次先打尋日啲野，遲啲先至補番之前堆野。

六月十八日，係一個專「治人死罪」ge一日，

話說我今日有八條命，點知行出學校剩係得番六條。

其實啦，今日成日都不停坐係禮堂張「燈」道對卷，

坐到周身攰哂，四肢乏力，再加上我緊張ge心情，就真係……唉！

首先對ge試卷就係中國歷史科，由林sir去講解番，

再一次話說呢位阿sir講野都幾好笑，話我地已經溫書溫到去第二個層次，

搞到一大堆史事撈亂哂。其實，四個字講哂啦，「走火入魔」。

佢講英文字母ge方式就好似黃老師咁，只不過唔係講「甲」、「乙」、「丙」、「丁」，

而係「蘋果」、「男仔」、「貓仔」同「狗仔」，唉！不過佢點好笑，都唔夠同學ge答案好野，

講真丫，我真係唔明點解可以係有「陳廣」同「吳勝」，「秦始皇派張騫出使西域」，

同埋「曹丕」係三國ge魏國建朝者同亡朝者？好野喎！小弟佩服。

入正題，中國歷史呢一科今次就考得幾好，有83%，過得去啦！

原本以為今日個「頭」開得好好啦，點知最後一念天堂，就一念地獄……

第二份派ge卷係普通話，話雖合格，但係考得唔好，分數不詳。

小息之後就到派數學卷啦。幸運地，選擇題同長問答兩份卷加埋有77%，過得去……

派完數學就派電腦，已經心知不妙，因為有啲問題唔知問緊咩野，算啦，84%。

去到第五份卷，就係綜合科學，我考完就已經知道「大穫」，果然……分數不詳。

第六份ge綜合人民卷，終於令到我ge信心大增啦，

話說我今次死背爛背ge溫書方法係有用ga…出奇地攞到86%，實在太太太開心啦！

成個早上都坐係張「燈」道，終於可以離開一下，食下飯啦！

同以往一樣，課室入面ge我地都係打成一片，好嘈同幾混亂，

不過我地呢一個好似算係我地班ge特色黎個喎！

食完飯之後，就到中文卷啦，閱讀理解加語文運用卷出奇地有85%，

簡直再一次令到我有一種「飄飄然」ge感覺。

中文聆聽不詳，中文說寫就同上次差唔多，起碼有72%啦。

去到最尾ge英文科，再一次再我打番落去「地面」，咁又不至於入「地獄」。

英文閱讀同文法卷，其實我都唔係好想講，同上次一樣，得78%，

英文寫作ge長文唔知點解比個marker係咁劃底線，橫睇掂睇都冇咩點錯喎！

結果，分數剩係得71%，極之失望。至於英文聆聽就有85%啦。

當然，果兩條命梗係死左係「分數不詳」果兩科道啦……

對哂全部試卷之後，就留左係Tuck Shop傾左小小野，講下遲啲gathering嘅事。

最後，當然有哂共識啦，實在太好lu……

選自：http://hk.myblog.yahoo.com/yatcheung_1997/article?new=1&mid=4179