我覺得自己已經成為BLOG既奴隸架喇haha.
前日因為自己懶床，明明已經比人叫醒左架喇LOL
但都唔願起身，結果就放棄左三個鐘既練波時間。
難得成個星期有日可以訓到十二點先起身，太爽喇！
成個禮拜都KEEP住落雨，其實煩唔煩架姐-___-
雖然我對雨天並非冇好感，但出親街都擔遮就覺討厭...
拜託XOX下個星期二踩單車最多有少少驟雨好喇:D
話說宜家重播《溏心風暴》，好笑同埋好扣人心弦:)
雖然果一個鐘既時間我唔係坐定定睇，但聽都好有氣氛:$
特別係每集尾段果五至十分鐘，永遠都有啲好爆既劇情:P
至於《衝上雲霄2》仍然幾吸引@@ 啲主角真係好正<3
尋日ECON補足成日，姐係坐係課室聽左六個鐘-0-
尋晚訓得四個鐘，可以捱到三點先眼訓都好犀利喇-V-
但係MRS.LAM講QUOTA果陣時個靈魂好似出左竅...
唔知點解佢解果陣聽到明，但之後再做就覺得好亂XOX
好啦:$ 或者應該花啲時間同心機睇下本書嚕...哎喲-3-
夜晚PREFECT開會唔只傾番遊戲既問題，仲試玩左啲:$
話說我地八個試七手八腳真係亂七八糟XOX 同樣好好笑XD.
上個星期日真係異常充實，好耐都未試過七點起身去打波:)
清晨既空氣異常清新，天空仲係有啲矇矇矓矓，嘻嘻:D
呢日其實係JANET發起，話要挑戰我地幾個咁話喇話:P
最初我夾佢既時候留意到啲反應>_< 真係好搞笑LOL
原本BOOK左一個鐘，但執執下雞變左三個鐘囉，有病`!!
最後果個鐘仲係我一個同JASMINE`鄭心怡打炸-____-
已經冇咩體力架喇，仲要全場跑去接波，都真係幾辛苦@@
呢日我仲不停吊波-V- 原本兩邊網前都係佢地既死位黎XD.
有時候猜左一大輪終於可以得分果刻好奸狡咁笑左出黎:O
晏咒連同JOJO`PINKY去左VICKY屋企傾份劇本啦XD.
實不相暪@@ 我地班籌備緊套微電影>__< 希望會好精彩:$
但唔少人聽到個故事大綱都話吸引:) 內容係點就絕不透露:P
果日佢媽咪仲整左啲凍既紫貝天葵比我地飲，酸酸地咁啦-W-
同佢地開會又係好多笑料@@ 成日都有人被LEFT OUT*O*
跟住傾到咁上下又會睇段YOUTUBE片再繼續-V- 真係......
我發現自己啲橋段已經用盡:O 幾晚以黎諗爆頭都創新唔到，
寫好果啲劇情仲有少少怪，睇黎我應該比自己冷靜多段時間:$
今朝VICKY同JOJO都係我屋企開始寫劇本既麻煩工作！
首先係將先前寫好既作出修改，因為有啲情節不合情理>__<
但我地專注力不足，好容易會變左上網睇片同中國好聲音:O
話說我地食KFC果陣睇左套叫LARVA既野，笑到噴飯......
唔知係咪啲雞有激素既問題，VICKY食完開始變得喪心病狂，
用張被包住自己跟住唱歌跳舞，突然之間又會無啦啦咆哮，
有段時間猛咁捉住我地兩個自拍影古怪樣，仲要連環快拍-W-
最後我同JOJO送完VICKY落地鐵站仲行左陣先至返屋企，
突然之間覺得柴灣都唔係想像中咁大姐，幾步路就行完咁-W-
時限愈黎愈少，工作效率愈黎愈高，唔逼都唔肯作咁樣囉:S
但係只要每幕開左個頭，仔細啲諗大鋼就會愈寫愈興奮架喇！
最終我地花左四個鐘左右傾番去每幕流程同埋執番先前既野，
實則既台詞我再花左三個鐘搞:O 雖然辛苦，但寫完超滿足，
特別係寫到成套微電影最後一句對白，簡直係套戲既靈魂:O
呢套叫《未命名》既4B微電影，大家一定要拭目以待B-)
雖然內容或者剪接未必完美，但至少都係大家用心既製作:P
七月廿三日，中學生涯之中最後一堂MR.LI既LS堂@@
好既係可以換個較有經驗既老師啦，但凡事都有兩面-V-
冇咁好既始終佢教過我兩年，始終都會有些少唔捨得既:P
呢日補課，如常食野，佢仲準備左啲乾糧比全班食haha.
其實咁樣補課未免係件壞事，因為真係輕鬆到不行囉LOL
坦白講我覺得佢教個人成長真係冇咩野既，但其他就......
加上佢本身對呢科認識唔深，又唔點備課所以真係得啖笑。
或者身為LS老師唔稱職啦，但撫心自問教IS教得幾好.3.
呢兩年佢都幾錫我，好多時有啲咩要求都會盡量滿足我地，
願意分享自己既心路歷程、家庭趣事、有時講下爛笑話咁-V-
同日既FAREWELL PARTY都過得去啦，野食不錯^0^
海濱閣啲到會美食，加上同學整既冷麫同西米露，正啊(Y)
我地最擔心既事情始終發生，就係MR.LI坐埋一邊被冷落。
記得上次聖誕派對MRS.LAM又係咁，我地唯有作出主動，
點知今次MR.LI個反應係等我食到咁上下佢先至一次過講。
結果個氣氛就好似教書咁，佢講番呢幾十年黎佢既改變，
佢隱藏係內心既自我保護機制，佢老婆同佢既一啲小事，
甚至係佢平日返到屋企做咩，離職之後有咩打算都講晒:O
最後慣性動作，送卡同影相！其實張卡都花左唔少心機落去，
除左我操刀果段文字，仲有FION同NICOLE既畫功XD.
雖然張班相唔齊人，但總算為彼此既關係畫上一個省略號......
歡送會完左，我地幾個望到檯上面食剩果啲東西就好懊惱:O
跟住就開始玩獎門人個量詞接龍，輸左就要吞減啲haha.
我地仲變態到將啲食物平均分落唔同既杯到比佢地簡LOL
玩到成班人都癲晒，量詞亂咁黎，BREAD講親咩都係二。
永遠唔知講咩名詞就硬係鍾意用杯碟冷氣機同櫈，聽厭左:S
跟住RITA`NICOLE仲不停設法陷害PHOEBE等佢輸...
後來野食冇晒，開始變畫手-__- 我真係忍受唔到咁痕囉！！
跟住RITA仲要畫左好核特既屎同波板糖係我隻左手到XOX
呢日PINKY同VICKY教識左我地玩個要跟拍子既遊戲:P
個名叫做...「呢個係蘋果」@@ 同朱古力波彈彈波類似啦*O*
成個人最初玩就係應接不暇，個腦根本就處理唔到兩邊野，
但咁樣先至係成個遊戲既精髓同奧妙之處，實在太變態喇:P
話說MS.IP係我地玩到興起果陣時走左入黎趁墟，笑死XD.
最後仲有啲好奇跟埋PHOEBE同RAYMOND開黃社個會:$
我相信每個社開親都係咁DEAD架喇，大家都比較被動>_<
最初RAYMOND講到啲四社合作既活動有冇人幫手真係頹到...
不過都係靠時間慢慢炒熱既，至少尾段大家肯發表意見先啦:D
希望黎緊迎新派對、社員大會都可以順順利利啦:D 社長加油B-)
最終個目的就真係要霸黃回歸，黃社重奪婦女會杯指日可待`!!!!!
嘿:$ 其實我始終都好想暑假果陣時可以同爸爸媽咪去玩，
就算唔係澳門兩日一夜，都即日來回丫，又或者內陸短線:$
呵呵結果就計劃聽日去美食之旅兩日一夜，目的地好似三山，
聽講果度間溫泉酒店都幾舒服，裝修幾令架，真係好期待:D
各位晚安喇，其實六點要起身@@ 喲呵天未光就出發好正(Y)
|
