極速咁樣打番少少架啦XD. 因為陣間出街食飯:P

呢幾日晨雞咁早就要返學校補LS，得著幾多唔敢講。

但知道下年新黎既果兩位LS老師有實力就幾期待！

前日PINKY`JOJO`FION`BREAD同我補完食晏，

仲特登搭叮叮去薩莉亞到食LOL 真係好有閒情逸緻:$

果日食野傾開換班主任件事，感覺好似冇之前咁癲@@

至少慢慢開始接受到個真相，但當然可以都唔會刻意諗。

黎緊果個GATHERING唔只要齊人，仲要好精彩:D

因為各個單位已經陷入工作狀態，準備緊一連串既東西:)

早幾日係禮堂練波，唔知點解宜家鍾意學校多過出去練。

雖然風向問題嚴重，但係呢日個速度同反應都改善左啲:$

至少唔會撲十球，七個都撲空先啦haha. 仲不停單打雙打，

同黃卓裕夾都好爽，如果佢既心理質素可以良好啲的話，

如果佢可以多啲黎練波的話，下年學界試下夾佢都唔錯囉！

三個鐘既訓練，再加十五個來回既穿梭跑，再次腳都軟埋。

尋晚同爸爸媽咪行書展又係咁樣，隻腳再唔屬於我架喇>_<

因為尋晚書展開到十二點，我地都花左七個鐘係會展haha.

最終買左小說、醫護人員既工作同病榻手記、叮噹電影漫畫:O

其實我見到果十幾本大全集既漫畫真係好想捧晒啲未有既走-W-

慶幸尋日人流都唔算大，未嚴重至長江後浪推前浪既現象^0^

記得好幾年前行過個關於皮紋攤檔，姐係睇指紋分析性格特長，

果年記得個女仕話我細個就好鍾意將學校既野報告番晒出黎，

我同媽咪冇比任何反應，但個女仕所講既每樣野都係好準確@@

咁係幾年之後亦都參與左項調查，語文同領導能力係有優勢架:)

其實真係冇錯架啵@@ 份報告仲寫我邏輯方面有發展既潛力添-__-

如果可以把握機會好好開發既話，果項能力會變得異常犀利架！

今年我同媽咪見到相關攤檔，又扮晒野咁樣走埋去聽下啦XD.

同樣，講中左我遲講野，同埋做任何野都按部就班，好有條理@@

大個幾有機會擔當管理方面既工作，嘩如果係就好，薪金不錯*V*

十二點鐘正式離開書展，我地三個行過見到間茶餐廳就入左去:D

出乎意料地，牛腩粗麫、片頭河同大大碗既及第粥都好好味！

特別係啲粥煲得好滑添>__< 咁夜食宵夜，好似岩岩行完年宵咁。

同爸爸媽咪搭通宵巴士都係幾難得既事，架巴士好似識得飛囉，

半個鐘冇咩燈位由灣仔返到柴灣，但差啲發生交通意外囉:O

前面有架的士突然停低上客，好彩我地個巴士司機及時收油，

隨之而黎就係一連串既粗口haha...點都好慶幸化險為夷炸>_<

今日牙醫覆完診同媽咪係皇室堡食甘味，嘿最衰要返學啦，

如果唔係可以陪佢，當然都係等自己可以行街睇下有冇衫買:P

人生第二次上MRS.LAM既ECON堂，三個鐘過得好快，

亦都好緊張，好怕有啲咩野行差踏錯就會比佢鬧到五雷轟頂。

話說最初有班人冇NOTES冇交功課，比佢教訓到開花+__+

我真係對左佢成年都未見識過爆炸威力係如斯浩大囉，嚇死...

中段講開4B班，跟住又讚我地點點點，分享左啲心聲-___-

拜託唔好再講，我真係好怕好怕自己又忍唔到望番轉頭囉XOX

我真係好希望MRS.LAM可以係我地尋日辛辛苦苦妥協出黎果晚，

出席到GATHERING。就算想放假，想散心都過埋呢晚先啦@@

我相信你同我都好想全班齊齊整整一齊玩，最終決定就在你手！

唔洗再懷念七點打波既日子喇，機會就在聽日，加把勁OUSH`!!