終於有時間可以清QOOZA:P 當然仲有唔少功課:O
硬係覺得已經玩左好多日咁，仲要去埋北京返黎-V-
但實質就係連成績表都未攞，姐係未正式開始放假>_<
好怕呢個藉口會助長自己將啲功課攤長黎做囉真係.3.
嗯，怕長既唔好睇喇-V- 冇三千字都收唔到工囉@@
七月三日，展開人生首個冇父母結伴而行既旅程:)
同爸爸媽咪係味千食埋野就急急腳咁樣趕去集合處:P
將行李寄倉、影大合照，辦妥所有例外公事正式暫別喇。
踏進離境大堂果刻有啲不捨，但個心主要係比雀躍佔據左:)
之後有班組員未食野，所以都要坐低醫下個空虛既胃啦:$
講多次先:P 老鬼GLORIA，組員譚樺同TERENCE:)
仲有四位女仔包括FANNY`SHARON`SAMMY同阿龔:D
經過果次破冰遊戲之後大家呢日重投圈子都唔會陌生啦^0^
後黎原本係五百幾啲閘口等緊上接駁巴士先聽到個宣佈>_<
不過正正因為班機延誤成個鐘我地先至有機會圍埋玩啤牌B-)
我地六組，加埋六十幾七十人坐晒係地下，自娛場面震撼！
玩七級豬仲輸賭話要攞晒我地既行裝一日，當然都係講笑@@
但呢個遊戲就已經開始暴露我地每個人既真性情喇...OMG ><
譚樺為左令TER輸而特登愈坐愈後等TER睇唔到佢掩鼻，
跟住TER眾望所歸咁成為七級豬之後接龍式咁樣爆粗LOL
果刻我...係個圈子之中都好意外咁發現原來仲有人咁爛口既。
擾攘過後我地終於抵達北京首都機場，果陣已經係晚上九點...
餐廳打烊作辯解，呢晚既晚餐竟然係KFC既漢堡包同雪糕:O
鼓譟呢啲咁負面既野無謂提喇，總之就係返酒店食杯麫啦XD.
出發之前個個都話我知北京空氣質素好差啦@@
但去到都覺得冇佢地所講咁嚴重，除左有日陰天之餘，
仲要颳起大風，跟住成條街都好多塵咁，但跟住又冇事。
相反，每日見到既都係蔚藍既天空，仲見過魚鱗雲添，
有時啲雲仲好似條魚、中國版圖咁，真係好得意囉^0^
最重要既係有日落睇，金黃色既夕陽係高廈之間滲出:P
成個景象靚到難以置信，好彩有用相機拍低一點一滴:)
就算落雨都係夜晚，影響唔到行程，回港果日當然另計...
呢間四星級酒店高度崇尚環保，我地第一晚去到開好少燈，
我覺得真係少啲ROD CELLS都睇唔到路果種囉XOX
不過近年翻新過都算唔錯，起碼間房都係舒服架啦haha.
有啲房仲有個小露台，上面放埋茶几，但唔係我間房.3.
雖然有GYM有SNOOKER有泳池，但全部冇機會試-V-
唯一用得著就係房內既WIFI，至少唔會同香港失去聯絡:$
有時電視長期唔用就會自動播啲好舒服既色士風純音樂，
訓醒或者臨訓聽到成個人就會平靜落黎，的確唔錯唔錯(Y)
第二日開始我地走訪左北京唔少景點，幸好車程唔算長:)
對我黎講，清華大學聽既果兩個LECTURES都偏悶:$
唔係講近代史就係講個教授對未來的經濟發展前景@@
再次慶幸自己呢幾日朝早都會飲番杯咖啡打打底姐:D
嘿其實都幾有用架，我指杯咖啡，可以捱到晏咒添B-)
原來清華個校園有三分一個澳門咁大，難怪設施咁齊全:O
標準運動場、游泳池、實驗室、大量學系大量教學大樓，
就連宿舍都係一群群咁囉，最羨慕就係學生用單車代步:$
啲建築物有噂係傳統中式、傳統西式或者係現代式風格^0^
周圍都係園境，荷花池，楊柳樹，仲有塊好大好大既草坪:P
天啊！點解清華既學習環境可以咁舒服，香港理應仿傚下...
兩個詞語形容晒清華大學，偌大同埋愜意舒適hahaha.
清華係我地最後一日既行程中仲頒左啲類似畢業證書比我地，
大學生要四年，我地不消四日就有:P 呢張證書都好令架`!!
國家博物館有啲似香港歷史博物館，當然規模差一大截:)
同樣由遠古講到近代清朝，甚至民初，每個館都好多展品-__-
但我地同樣係精華遊，只係逗留左一個鐘的確唔係好夠囉.3.
記得果次我地係門口拉傑生個BANNER影團體大合照啦，
點知不消十秒已經有武警黎鎮壓，要求我地收番張橫額:O
其實張東西上面都係寫咩交流團，其實點解會唔批準架-3-
人民網同樣係個幾得意既地方，除左有個座談會之外呢，
我地仲周圍參觀，最深刻就係成班人坐係報新聞果張檯到，
個個係度扮主播咁，有啲仲可以控制電腦同報天氣添囉XD.
其實人民網類似外國既BBC咁，係啲大型既傳媒機構黎既，
佢自稱為人間服務，報導新聞，但亦有唔少批評係官方既@@
呢個機構最後仲每人送左個中國東方航空既飛機模型比我地:O
王府井呢條街大家應該都耳熟能詳，不過呢十年改變左好多><
宜家既王府井已經比新鴻基發展做北京APM商場囉OMG...
隨處都見到UNIQLO、FOREVER21、GAP等商鋪-__-
街道既兩旁昔日係放左好多攤檔，但宜家淨係得賣王老吉既。
結果我地都係啲美食街左穿右插，仲口痕咁食左唔少串燒-V-
蝎子串呢啲唔多岩我喇，雖然炸熟晒，但放落口硬係怪怪的，
所以都係食左魷魚串、羊肉串、酸奶、豬肉包等等啦haha.
其實唔係話特別好味既，但香口野，幾吸引我地咁樣囉*V*
CHANWAILAM同埋GLORIA仲請我地食街邊檔添囉`!!!!!
至於酸奶，比YOGURT再「杰」啲，呢啲小食不妨一試^0^
原本打算係果度買少少掛飾架，但其實有啲香港山頂都買到。
雖然壓價可以壓到好低-V- 但果啲貨品真係冇咩當地特色，
正正係因為呢個原因，我今次除左明信片就冇買手信喇:$
有晚我地係北京既歡樂谷睇左個叫《金面王朝》既表演，
按種類區分可以叫由歌舞同詩匯集而成既劇啦@@
當中都有啲雜技，類似係跳彈床，不過故事銜接差左啲啲。
但故事中段突然之間山洪暴發，果陣時個台真係倒水咁，
你會發現眼前映入一個瀑布，果個場面真係極為震撼-__-
只可惜現場不準攝影@@ 不過成個表演整體都係拍好叫絕:)
膳食方面，除左第一晚既KFC、最後滯留係機場果餐，
同埋係清華大學個CANTEEN自己買呢三餐之外呢，
其他都幾好味，特別係有片皮鴨果啲係異常受歡迎:$
仲有啲北方餃子啦，有時仲有香蕉餅果啲，幾特別丫！
不過唔知點解成日都多肉少菜，有幾餐都係三色豆-__-
整體黎講我幾鍾意個團，但有啲地方我兩次都未去過，
姐係圓明園、頤和園、天壇、十三陵呢啲囉.3. 哎喲>_<
人民大會堂、故宮、長城、天安門廣場呢啲必去景點:$
十年前同爸爸媽咪，姑媽表姐去果陣時已經開過眼界:P
順帶一提當年年少無知既我行百貨公司果陣時手多多，
跟住整跌左舊野，仲碎左>_< 當然要我地賠錢啦，
結果果晚我係酒店趴左係表姐到喊左好耐都唔肯收聲...
但由於我係零三年十二月去，所以能夠一嘗滑雪滋味:D
今年再到呢啲名勝古蹟，外觀不變，但感覺有所不同XD.
參觀宏偉既故宮又係走馬看花咁，加上人流又好多，
所以都係聽下講解，影下相咁就由午門走到去神武門:P
大會仲請左我地每人一枝綠茶雪條消暑`!!! 格外好味:)
呢次上萬里長城唔再係咩居庸關，而係慕田峪haha.
最初先要行條山路，因為兩旁都有樹遮蔭，而且有微風，
所以路程都唔辛苦，跟住我地六十幾人仲佔據左成段-V-
爬黎爬去咁樣搵令位影相，我地仲會坐係啲邊邊位添啊，
一個不留神真係會跌落萬丈深谷架，有啲心驚膽顫架:P
至於清晨四點幾去到天安門睇升旗禮更加係畢生難忘@@
因為要三點幾集合，所以果晚當然冇訓過教啦hahaha.
留番升完旗返到酒店早餐都冇食先至差番四個鐘頭電-V-
記得果朝(晚?)離開酒店仍然係漆黑一片，成車都訓晒，
但我依舊坐係窗邊望住高速公路既街燈同稀疏既車輛*V*
因為我地有通行證，所以我地優先企係旗桿側邊觀看，
而唔洗同班民眾或者其他旅行團咁企到無雷公咁後睇:P
稍等一會之後，大街既車都開始被截停，天亦開始變藍，
終於見到有隊由天安門既正門既步兵好整齊咁樣過馬路，
每個都挺起胸膛，步履動作舉槍所有動作都係一致既，
感覺就係預設好既機械人咁樣，一絲不荀，令人佩服:$
國歌隨即透過揚內既揚聲器高亢著，的確令人肅然起敬。
國旗徐徐升起，奏左三次國歌，直至國旗隨風係高空飄揚:)
天安門現場睇升旗同係電視睇個感覺簡直係差天共地囉。
最後我想講下返港前最後一個景點...798藝術區haha.
絕對推介大家花三至四個鐘係呢個前身係工廠既地方行下。
郊區，遠離人煙，散發著濃濃既藝術氣色，好多噴畫:D
仲有好多熱衷於手工藝品會將自己既結精品帶黎呢度賣^0^
亦都有啲自彈自唱既歌手會帶埋支結他係街邊演繹架XD.
另外亦有啲會租個鋪位賣啲自家製既筆記簿、匙扣明信片。
成個地方好似世外桃源，同北京呢個大城市係恰好相反@@
的確好難想像同一個城市內會有個咁多雕塑既地方囉XD.
呢個藝術區仲有好多展館，每個館都陳列唔同類型既展品。
有條街仲有好多CAFE，瀰漫住西方生活既輕鬆格調^0^
好啦我係呢度除左買左幅油畫，兩張明信片之外呢，
仲買左本木製既簿比人寫IMPRESSION`!! 好正囉(Y)
好啦打住咁多先喇@@ 好耐未試過打到咁夜，晚安:D
|
