硬係覺得由北京返到香港之後個人變左好多:O

或者果幾日消耗既體力同埋精神實在太多太多喇，

搞到啲作息時間，精神狀態完完全全顛覆晒囉！

返到香港果晚訓左足足十五個鐘，兩點起身多美好:)

尋日練波完全崩潰，冇打兩堂冇速度冇反應冇落點，

跟住不停做啲消耗體能既地獄式訓練，天啊放我走><

結果呢兩日行親斜路或者落樓梯就會腳軟軟咁囉-__-

早幾日SINGCON既發展同結果都有啲出人意料，

但的確有個組合既和音真係...好好聽@@ 夾到不行！

利天恩唱果兩首CLASSICAL都令人印象深刻，

佢果種唱腔唔係個個學到，我果刻真係好欣賞佢囉:D

話說果日MR.LI唱歌講對唔住既時候感動到差啲喊，

其實我相信要道歉都唔只佢單方面要做啦+_+ 唉`!!

其實阿BREAD問過我點解返到香港講野正經左咁多:O

我聽到個問題都問左自己好耐，乜個轉變真係好大咩><

但坦白講其實我最初有啲唔習慣，呢六日玩得太癲，

反而返到香港見到排山倒海既工作即刻有啲厭倦工作:(

功課、練琴、班會學會既事務，樣樣都要出心又出力...

同果六日無憂無慮，暫且放低晒香港所有困擾既東西，

兼盡情咁玩、盡情咁笑、盡情咁食、盡情咁傾好唔同！

宜家行親街都覺得身邊既路人同班新識既朋友好似樣@@

睇黎呢次北京之行帶比我既SEQUELAE都好嚴重囉:S

早幾日PREFECT開會食住野咁寫會議紀錄其實好爽！

仲一氣呵成諗晒啲遊戲咁濟:D 成個活動已經步入明朗化:)

今朝一個人跳左落小西灣室內游泳池果度游左一個鐘左右:$

游完一個堂透幾啖氣再黎過:P 結果加埋足足有三十個來回:)

蠻自豪的:P 成功兌現要去游水既承諾，仲要倒塔咁早起身！

但係我宜家隻腳係酸痛到冇咩知覺咁，半麻痺狀態OMG...

希望呢個暑假可以保持住呢個習慣，增高計劃好快就達成:)

同成班中年人士同游一個泳池之後，沖完身又要趕去開會^0^

真係好充實，呢日仲傾晒預定既班會事務，成功感OUSH:P

只係得四個人開班會都未嘗唔係好事，傾既野可以好深入*V*

好囉無論開會定係食晏，總會有OFF TOPIC既時候XD.

多謝NICOLE`VICKY`BREAD呢日晨早留留陪我開會癲:P

聽朝睇《盲探》-V- 鄭秀文同劉德華:$ 組合幾吸引^0^

黎緊仲有幾套啦，怪獸大學、多啦A夢同迷離夜hahaha.

至於啲功課-__- 除左加把勁三個字之外就諗唔到點形容XD.

下個星期仲要開始展開補課周+__+ 不如索性攞我條命啦/__\