先講每年中四果幾班都要舉辦既果次CLASS CON-V-
最初啲高FORM話要放好多時間落去練同籌備我都唔信...
但自己親身搞完，終於明白到成件事係何等TOUGH>_<
最初選完果啲主要搞手只能夠用「得啖笑」三個字形容/_\
不過好多時呢啲關乎成班咁大規模既我唔搞唔安樂咁-___-
其實十月已經開始籌備工作架喇，但啲野就一日拖一日，
個心仍然相信距離正式表演仲有差唔多成個月時間有排:$
點知+___+ 我意識到逼近眉睫既時候得番半個月左右-W-
雖然表演者同曲名都落實晒，跳舞亦都練得七七八八啦，
但大合唱既走位、司儀、燈光同音效既配合全部未傾過:$
重點係CONCERT前兩日先至有禮堂可以做採排囉-3-
結果果兩日放學都留到好夜，前所未有CHUR到咁盡._.
記得十七號朝早洗樓宣傳啦，仲有就係痴POSTER，
我同JOJO仲將邀請卡遞左比校長，大膽既嘗試XD.
佢仲話CONCERT果日會到場欣賞一陣添囉，興奮！
果日放學第一次踩台排練既結果係完全接受唔到X__X
每個PROGRAMME都要花好多時間諗燈光點樣搞@@
跟住某啲同學-__- 包括我又要係個禮堂跑黎跑去試聲量/_\
有時候又要走上台跟下燈光控制同啲野既擺位咁樣啦-O-
結果每個節目既後台配合足足搞成粒鐘先落到下一個+_+
我都唔想刻意諗番果日練既過程係點樣喇，真係惡夢黎...
有段時間我同PHOEBE係台下，嘆氣另頭皺眉V_V
認真呢日係禮堂留左三、四個鐘終於...暫且鬆一口氣LOL
至少負責後台搬野同埋燈光果啲人知道幾時要做啲咩._.
但有樣野好唔甘心既就係搞到我呢晚冇得睇台慶頒獎:@
話說PHOEBE`RITA`NICOLE`JOJO同我行到去門口，
圍埋就討論緊果幾首大合唱既走位安排係點樣啦haha.
PHOEBE就好自然咁話今日咁辛苦大家都唔會諗到咩啦，
不如聽日早啲出黎傾完再番學校REHEARSAL仲好啦:S
結果-___- 我估唔到呢個咁喪心病狂既行為會實踐左出黎...
記得果朝五點鐘醒左，電話通傳左好耐先聯絡晒佢地四個:$
六點都未夠天都未光都攞晒書包咁樣去搭巴士，算點(?)
晨早流流五條友去到麥當勞一齊食早餐傾CONCERT-V-
究竟為呢個半個鐘既EVENT做咁多野係咪值得啊LOL
雖然最初都幾精神既，但上到第五、六堂個人開始頹嚕@@
呢日放左學之後繼續留係禮堂果到做準備，挑戰極限+__+
原來分工合作同時間管理都係兩門好高深而有待揣摩既學問，
台上既同學就分組各自練自己既INSTRUMENTAL表演啦，
台下既同學就要抽一班人去做佈置同埋執啲檯檯櫈櫈咁樣+_+
當然呢日練番大合唱啦，因為每首歌傾完都加左唔少動作-V-
呢晚MRS.LAM黎睇我地RUN一次應該都冇咁嘔血啦我諗...
基本上都叫去得幾流暢啦，當然表演既質素就有商榷餘地XD.
但因為超左五分鐘我地就要絞盡腦汁諗點樣避免超時，唉>_<
好囉九點幾走果陣時校長返到黎...佢仲要教訓我地咁樣囉-V-
但學校成為另一個家呢種感覺係呢幾日真係好強烈hahaha.
返到屋企仲要同PHOEBE剪歌...嗚啊真係好想死囉好冇/O\
十二月十九日，對4B班絕對係個好重要既日子@@
因為大家所付出而得到幾多回報，就係呢日睇得番:D
整體黎講成個CONCERT唔錯丫，始終唔係追求完美，
當然大合唱同埋樂器演奏既質素...同會場氣氛有待改善，
但至少後台燈光搬野協調好順利，絕對冇蝦碌事情發生:D
個CONCERT點樣唔詳細記啦，反正遲啲有相同片留念*V*
諗番轉頭，我係呢次由班會做主導角色既活動中體會幾深:$
首先我想用MR.HUNG係FB講既一番說話講起先啊:D
在表演中，很多卧虎藏龍放下身段，一顯身手。
強大合作力量的項目，為領袖訓練的好平台。
費盡心思邀請班主任出場，男生在強大女生的壓力下紛紛起舞。
無論如何，只要你們一同投入，一同付出，一同承擔。
這些音樂會都是GOOD SHOW。
沒有最好，只有更好。珍惜這些合作的機會！
我可以大膽咁講呢個CONCERT會係成功既一個^0^
當然最好既證明就係我地FACEBOOK開既專頁@@
短短幾日啲讚好就已經突破左二百七十喇，好犀利！
每次見到有人留言或者有新粉絲就會好興奮囉haha.
但最重要就係我地班同學加埋MRS.LAM好投入同享受，
大家都好落力咁參與其中令到呢個表演成為咁難忘既一次:$
記得跳舞係最早開始練架...所以一分耕耘一分收穫係岩架-V-
花咁多時間排舞，借練舞室-V- 最後有咁既效果真係滿足:$
聽番黎就係無論男或者女仔都係跳得好齊整，唔算好生硬:P
請得到我地班兩隻手都數得晒既男仔出黎跳舞更加係難得@@
雖然未必次次黎到，但至少在場果陣時都係好上心架囉:D
仲有就係CONCERT前晚ORCHESTRA果組其實仲未得，
冇錯臨急抱佛腳唔係好事，但練到咁夜夾好左就絕對係好事:O
原來大家同心協力，為同一個目標努力係件咁開心既事黎:)
記得前晚最後一次總採排，甚至乎CONCERT開始前，
我們成班同學企係後台，結果我就帶動情緒同激勵既角色，
大家有冇信心唔會好似上次咁超時？有冇信心做好呢次表演？
最後大聲講到B4BRAVO果刻突然覺得暖在心頭咁樣XD.
呢日同VICKY四手不錯，夾埋FION個中宛都好和諧:$
始終即使我地其中一個甩左或者彈錯都唔會好明顯haha.
好多時我都會覺得老師既支持對我地黎講係好重要囉@@
當然賞面黎捧場更加係無任歡迎啦，特別係孔老師:$
為左黎睇我地班坐前排之餘仲聽我地講冇去當值-V-
跟住MR.WONG上數學堂都讚個表演IMPRESSIVE:D
但有樣野意想不到就係MS.CHUI讚古典音樂做得好-0-
更加震撼就係啲人報告番校長都逗留左好一段時間添^0^
不過點樣都好始終不及好鍚我地既MRS.LAM啦haha.
由籌辦到表演，即使請緊病假仍然花好多時間幫我地@@
唔想我地英文出醜人前，所有宣傳MC稿都會執文法:P
好多時都會係電話溝通睇下有咩幫到手或者比下意見*V*
有次禮堂明明我地借左先但比學校趕，佢會出面講道理:O
甚至去到最後仲會自動請纓扮聖誕老人出現派糖比觀眾:$
坦白講成個SHOW如果缺失左MRS.LAM既會失色XD.
唔單只失去推高氣氛既效果，我地亦會好似失去個靈魂咁...
最後再次多謝所有觀眾、所有老師同身邊一班咁好既同學:D
|
