四月七日晏咒係藍田同爸爸個朋友飲茶，
話說佢早排生左個女，真係得意到不得了^0^
最初見佢果陣時問佢可唔可以握下手做好朋友，
佢諗左陣就伸左隻手出黎:P呢啲BB熱身得好快:O
跟住同佢玩佢都係笑到卡卡聲，反應仲好快添囉@@
只不過係一歲多啲識得自己吹凍啲野放落口到食*V*
嘿嘿每次見到BB開心笑或者同佢地玩自己都好開心:)
果日仲係三聯掃左啲書-V-嘻嘻真係幾開心:D
但係唔知自己幾時先睇完-V-好鍾意果種擁有感:$
話說我已經期待左四月八日差唔多幾個禮拜喇:)
不過前晚因為要執野同搞劇戲野又整到好夜囉X__X
呢次我地加加埋埋十幾個人去到澳門囉好熱鬧-V-
諗番起上次去係2010年聖誕...同舅父佢地即日來回:P
落船冇幾耐已經去左新馬路間老字號既酒樓麒麟閣，
嘻嘻呢餐TEA正式展開左呢次澳門喪食之旅LOL
值得提下就係呢間既叉燒包`菜苗餃`蝦餃同鹵肉飯一流:)
個感覺就係食極都仲可以繼續食-V-實左太好味喇:O
跟住即刻行左去營地大街間金馬輪餅店買豬扒飽食-V-
仲記得上果幾次都有係呢間買過黎食，但今次好似冇咁好:P
雖然塊豬扒仍然JUICY，但話晒以前個豬仔飽都係外脆內軟-3-
爸爸仲買左個蛋撻，好囉我好鍾意個酥皮XD.好香蛋味LOL(?)
呵呵新馬路真係好多地方都發掘到美食，之後順路去埋義順:D
好特定咁樣叫左碗雙皮奶-V-面果層皮呢真係好得意啊:$
至落船之後個嘴已經冇停過，見到乜就放晒落口咁樣-V-
臨坐番新濠天地啲SHUTTLE之前仲搵到間街邊檔@@
遠處聽到啲較剪交錯既聲，仲望到一條頗長既人龍添囉:O
原來係牛什囉-V-羊群心態下諗住多人排會好食就排埋一份:P
其實呢間明記既牛什個味認真不錯，只係有啲比較實*O*
話說GRAND HYATT間房都唔錯:$ 最吸引都係張梳化-V-
大到可以比個人訓成晚都冇問題添囉@@ 其實我好想試-3-
UPLOAD左張相上FACEBOOK之後就衝左去水舞間劇場:$
嘻嘻未入場先興奮就係我喇:) 話晒呢個表演都大受好評*V*
好多個睇完都話正，而我睇完都覺得好睇:P但冇想像上咁震撼`!!
水舞間都係有條故事線係背後既話說，奈何我睇唔明咁樣:O
算啦我應該將個焦點放番落個舞台效果同雜技上，係咪咁話XD.?
我真係覺得個舞台真係好神奇-V-究竟個「海」有幾深-V-?
間唔中有好多好高既道具升左出黎真係好型啊呵呵hahahaha;p
有時候望去第二個角度一陣，個地原本係水已經變左做陸地。
較深刻既就係啲DANCERS係高空FING黎FING去，
但係佢地除左一次之外就冇再失過手LOL真係好犀利:P
亦有黑人DANCERS玩十八羅漢咁:O點解可以咁大力:$
中段仲有啲人打韆鞦，飛到好高好遠之後再插落水哈哈`!!
佢地果種彈跳力真係......係空中仲可以漫步咁樣@@
另外都有電單車衝黎衝去:P好囉呢啲精彩我唔識用字講X_X
我有時會諗如果啲電單車意外撞晒，個後果會係點LOL(?)
臨完場之前仲有個識軟骨功既人:O啲手腳點樣屈都得V_V
姐係基本上呢個手手腳腳都好長既人成身都軟LAI LAI -V-
間唔中都會有個角色走出黎搞下笑，牽動下氣氛咁樣:P
話說呢次我地坐係第前果排，所以成個表演都睇得好清楚B-)
有幾次都係突然之間前面有啲DANCER從水中升出黎，
姐係差啲比佢嚇死-V-間唔中仲會比啲水整濕添啊好舒服:)
嘻最記得就係呢有次媽咪驚比水整濕就攞條毛巾擋住啦，
點知突然比個DANCER搶左:P佢地仲特登匈第一行既人-V-
順道一提啲水係暖架`!! 好鍾意望到水柱射黎射去，好令囉:D
最後謝幕果陣時全部人行晒出黎，全場人都好用力咁樣鼓掌，
抽水講句呢啲先值得企晒起身拍手拍成分鐘架嘛XD.
散場之後擾攘左好耐先有的士出番氹仔市區咁樣啦-____-
但因為某啲因素擺左個大頭佛，最後呢餐係間普通餐廳食就算-V-
天使麫`牛脷飯`肉絲炒麫`牛扒拼雞扒飯LOL係澳門食呢啲V_V
不過算啦@@雖然呢幾樣野個賣相幾好既，但係個味差少少囉:(
返到酒店已經係十二點既事黎嚕...但係我仲要求周圍影下相:O
唔知點解我對於澳門既夜景好有興趣，周圍都著晒燈咁好令:P
特別係酒店對面間威尼斯，光得黎帶點華麗hahahahaha:)
果刻真係好滿足好開心囉，估唔到媽咪爸爸都會陪我癲，
陪我冒住雨咁樣企係條街道一齊影相嘻嘻，實在太好喇*V*
返到房間仲慢條斯理咁樣，呢晚仲浸左浴真係舒服都冇人有:)
結果......訓到上床仲係度周圍上下網咁就搞到三點鐘喇:O
第二日起身望到出面放晴，抬頭望下就係藍天白雲:D
好開心天公造美喇，要落既雨已經係前晚落乾落淨喇^0^
呢日因為係澳門做野既表舅父得閒就兜我地一家三口周圍去:)
好啦第一站就係銀河-V-話晒都叫新開睇下佢咩料都好-V-
結論就係應該用行銀河既時間攞黎食野-___-冇特別`!!!!!
應該更正下話...虛有其表，因為離遠望銀河真係好令架囉LOL
之後就去左附近個龍環葡韻－－住宅式博物館:)
呵呵我聽過呢個名已經好多次架喇，但親身去都係第一次:D
踏足呢道就覺得好舒服好令-V-唔怪之得咁多人影婚紗相:P
更加估唔到呢啲歐陸式既綠色小屋以前係公務員既宿舍XD.
跟住佢就車左我地入路環間竹灣酒店食葡式午餐囉嘻嘻:)
呢間室外餐廳好有FEEL囉呵呵，啲野食都好好味哇*V*
先係個馬介休球，將啲薯蓉加埋落啲魚到一齊炸:P
之後個餐包都好軟好好味:) 但係最得意既就係個葡式炒飯:$
雖然我食完個炒飯之後都唔知有啲咩材料，但炒得認真香B-)
至於個什麼葡萄烤腸呢...就真係-V-不予置評囉哇呵呵呵`!!
最後仲有個豬頸肉拼薯條，呵豬頸肉係有少少膩但少食無妨:D
跟住傾多左陣計呢就繼續去下一站喇-V-就係黑沙灣hahaha;p
好囉由於係中午時分，果陣係曬到就黎出煙，蒸籠咁樣X_X
無奈地個沙灘比地盤翻起晒，只可以隱約見到黑色既沙炸:(
臨走之前仲係街邊買左串魷魚同埋雞中翼串，話說好出名:$
哈哈企係果道一陣個頭已經比啲煙熏到好多味-X-哎喲`!!!
不過個味道都不錯囉-V-呢間肥仔個魷魚串係咸左少少咁姐:O
返到出路環市區仲係安德魯餅店掃左成盒葡撻囉太好味:P
話說最初知呢間餅店都係幾年前同媽咪爸爸誤打誤撞咁搵到-_-
最後表舅父就帶我地去左個好偏僻既地方試手打咖啡@@
好囉講真就算你經過呢間野都唔會坐低因為好簡陋，
更重要就係佢開係啲船廠隔離......真係冇車都黎唔到V__V
不過聽番媽咪佢地講話呢杯咖啡好好飲啵-V-好滑唔澀:)
晏啲就會合番姑媽佢地喇^0^係議事亭大三巴逗留左陣，
就配合番當旺爸爸咁去左附近間文化會館睇下間當鋪-V-
臨食晚飯之前仲捉埋媽咪陪我係祥記麫家食番啲野:P
因為果間野啲灼魚皮同埋撈蝦子麫都好正囉:)
每次黎到澳門都係必食之選黎架哈哈:D
點完肚之後再食番個正式既晚餐-V-奈何係中式:O
買埋手信之後表舅父再次揸架車黎車我地兜風嘻嘻B-)
係氹仔沿岸望番去澳門個感覺真係爽到無言喇哈哈:P
之後仲係金光大道影埋張全家幅先至衝去碼頭上船XD.
哈哈表舅父多謝你啊-V-你一次過滿足左我好多願望@@
我呢刻終於明白到~~~原來有架私家車係手真係好方便^0^
呢次澳門遊係咁多次以黎最滿足`最深刻既一次啊嘻嘻:D
上船坐定定之後發現原來自己舊BATTERY跌到冇得再跌......
|
