八月五日，話說尋晚打機打到兩點，

但奈何要係張床典黎典去，最後三點先訓得著。

出乎意料地，今日我十點半就起左身啦，

個太陽今朝肯定係西邊升起……

起左身之後就練左好耐琴，主要都係彈果三首歌。

跟住，就打左篇BLOG同埋上左陣MSN。

兩點幾又出左去學琴（因為我呢個進度係極需要補堂），

話說今天好焗，條街好似個蒸籠咁樣，再加上多煙霞。

晏啲返到屋企就繼續寫文，用左15分鐘寫完篇「心目中的…老師」。

過左一陣，又要再出街啦，今次就同個uncle同佢啲朋友打波，

今次就真係出左好多好多汗啦，佢地實在太勁啦！

我真係唔明，點解呢排我出親街，幾乎次次都落雨。

而今日打完波都唔例外，話黃雨就黃雨，眨下眼又紅雨……

企係柴灣體育館道眼光光咁望住出面，又大風、大雨，行雷閃電，唉！

經過幾番波折之後，終於去到個uncle泊車果道啦。

最諷刺就係返到屋企，竟然停哂雨，一天都光哂，離哂譜……

太期待啦，聽日晏咒上番禺挽番兩日半，好野好野！

選自：http://hk.myblog.yahoo.com/yatcheung_1997/article?mid=4456