九月六日，仍然係我唔多幸運ge日子。

話說尋晚ge我簡直想死，

睇完超級巨聲就訓教啦，慶幸好快訓著……

但係啲夢就一個接一個咁黎，四點半唔知咩事醒左，

跟住周圍望，完全冇哂睡意，去到六點先至訓得番，

但奈何一訓著就發夢……最後六點四十分就要打開隻眼，死番學校。

第一堂就係普通話，任教老師同之前聽番黎有出入，係李太教，

都係冇咩特別，成堂都係自我介紹咁樣啦！

第二堂就係中文說話堂，係果位Tang老師教，

佢果種笑容同眼神友善得黎好恐怖，

可能係我自己陰謀論啦，哈哈！

第三節就係Hall Assembly，亦係我今日最失敗ge地方。

話說我今日就要彈校歌，奈何一開始彈錯，搞到班人唱拋左；

之後就愈彈愈快，多得Ricky係側邊提一提；

最後收尾都係要彈多堆音，好失敗……好冇用，好冇面。

我都唔明，又唔係第一次係台道彈，之前都未試過咁樣，

就算係中一果陣時第一次做School Pianist，都唔會彈到咁不知所謂。

Miss Chui已經再三叮囑唔好炒，彈多幾次，我真係對佢唔住囉……

好似冇咩資格再去擔任呢一個職位，唉！失敗者失敗者失敗者失敗者！

第五堂又係數學堂，仲未搵番過往位Mr. Cheung，好悶。

幾乎完全聽唔明佢究竟係道計緊啲咩同講緊啲咩。

之後就係中國歷史堂，係夢寐以求ge林sir教，

佢真係好搞笑，句句都有笑點，口頭蟬係「你明唔明呀？」同「我講笑姐！」

今日最經典果一幕就係佢扮女人果段，真係入型入格，笑死左我地成班。

望住佢做果啲動作同語氣，發現同上年教科學位Mr. Lam好相似喔！

之後就同左Michael, Freeman, Raymond, Ricky去左間茶餐廳道食，

雖然果道地方比較細，涼氣唔算大，但係個好處就係「大件夾抵食」。

食完飯之後就係兩堂英文堂啦，幾高興見到Ms.Leung，

雖然佢都係一個好老師，但係講到幽默就始終唔夠Ms.Ip黎…

話說佢今日用左成堂去講我地啲閱讀報告，

同埋比我地討論一下，課堂內容都真係幾充實囉！

話時話，通常都係得一甲班同學舉手答問題，好榮幸我係佢地一分子。

返左學之後就約埋一大班同學返左小學，

有Max, Gif, Jason, Winki, Neptune同埋Bonita，

仍然係一路同Ms.Lo傾計，一路比佢「勞役」，哈哈！

而今次就要幫佢班「仔」係啲校簿上面蓋名印。

夜晚就收到一個音樂學會某一委員ge電話，

又係打黎問我做唔做音樂學會ge委員喎，

好彩上年已經講左唔再做Debating Club委員姐……

唉！黃社又問我，音樂學會又問我……

我都唔知點算好，我唔係唔相信自己係時間管理ge能力，

但係又唔想take咁多職位，但奈何又有一絲ge衝動想試下喎，

黃社委員就應該要再選先可以落實；

但只要我一答應做音樂學會委員，咁就一個學期架啦。

雖然唔一定要係兩者簡一個，但係都真係好煩。

天啊！究竟發生咩事喔？請為我指點一下迷津啦！