九月十六日`朝早早會果陣又係四社群英會，

宣傳社員係運動會果日報三項比賽。

但係今年果八位男女社長口才方面冇上年咁好……

仍然係「汗流浹背」……半身濕透。

English`Maths`Chinese`完全冇咩特別。

至於科學堂就唔同啦，真係新奇又刺激喔！

話說呢日又要做實驗，奈何我地幾個又係整唔著啲火柴，

可能我地真係要上啲咩特訓班啦……

最不幸就係我枝火柴點著左之後，個火勁過頭，

唔洗幾秒就開始燒啦…………其實係燒我隻手指公囉！

所以，人被火柴燒基本反應當然dump左支火柴去啦，

我一手就拋左落張bench落，跟住crystal就好快咁吹熄左。

唉！點解次次點親火柴都唔著架，好過分囉！

晏咒就同raymond, ricky, Michael, jacky去左McDonalds。

飯後既兩堂IH堂可以話我係好期待既一堂

Ms. Law今日終於比左堆Project Topic比我地啦，

但係每組都唔可以一樣。由於我地各有唔同意見，

比較好既topic都好搶手，最尾得番天后廟同譚公廟囉！

最後Ms. Law見到我地唔係咁happy，就比左個超好既advice我地：

佢話如果我地搵到兩個古蹟，而佢又approve既話，就可以做啦！

實在太好啦，唔知係咩比Ms. Law教過一年既特權呢？

放左學之後，我地就好粗略咁諗左有啲咩古蹟，

但一切都要等夜晚係MSN傾過先至可以落實！

由於隻腳未好番，呢日冇去到打波，順便休息一下啦！

夜晚就傾古蹟呢個話題傾左好耐，

因為某啲特定原因就愈傾愈燥，真係唔好意思！

而火藥味都有啲濃，嘻嘻！不過好彩，煩左一個鐘之後終於得出結果啦。

仲有三篇未打，先係八月尾一篇；十七、十八號各一篇。