宜家因為唔係好夠訓，所以個頭有啲痛。

九月十八日，晏咒去左Sara道傾音樂會啲野。

話說我、Sara、Crystal同Phoebe係到等Raymond一個啦！

跟住傾傾下，由個窗望落去，見到有個著得好casual既「人」係到，

攞住袋McDonalds外賣，雙腳著住對拖鞋，好似叫救命咁。

Raymond最後終於識得出黎啦，過左一陣就開始練習啦！

唱左一陣之後就係道搞左啲Powerpoint Slides同埋個MC稿。

之後三個女仔就係房入面練唱歌，

而我同埋Raymond就係客廳果道。

我就係道好努力咁彈首My Love；而Raymond就挽Ipod。

正當我將成首歌練到七七八八果陣時，

Crystal走左出黎，見到Raymond買哂佢個game入面啲曲奇餅，

即刻喊左出黎。都唔知笑佢去定係同情佢好，唉！

最後再唱多一、兩次首歌之後，就開始變成傾計環節啦。

話說我因為早一日睇完Big Boys Club，咁岩又係講靈異鬼怪啲野，

咁我就同大家分享下啦，之後Phoebe開左佢個facebook，

不停係到咁，睇下有咩熱門同新資訊，

再不停睇有咩朋友生日，總之佢就禁黎禁去啦，好無聊咁！

上次講過Sara門口側邊有個陳列櫃，

今次我發現最高果層有十四隻玻璃麻雀，正正係十三么，哈哈！

跟住我話左比raymond聽，佢又笑埋，呵呵！

夜晚就係媽咪既監督之下炒飯，好開心喔！

由於都好耐冇入過廚房整野食，所以做起野黎好慢。

經過一輪努力之後，一碟色香味既炒飯終於搞店啦，好味好味！