十月一日，一個新既開始。

由於尋晚又踩到兩點，呢日當然十二點起身啦。

我不嬲都係要訓十個鐘架啦！

晏咒出左去上環同阿妹玩下咁啦，

宜家十三個月大既佢已經可以扶住人地隻手周圍走，

好難可以再坐定定咁樣啦，哈哈！

係屋企既範圍之內仲要係不停亂叫，同埋對四周既事物充滿好奇。

夜晚就同左一大班人係銅鑼灣避風塘果道睇煙花。

話說我都已經有成四、五年冇上街睇煙花啦，

始終覺得唔會有太大新意。今年企係呢一個咁特別既位置，

睇起上黎都有啲唔同，唔算太多人咁啦。

最得意既就係啲煙花係前面爆，但啲聲響係從後面黎架囉！

講真果句，其實都好震撼架。特別係最尾果一分鐘添呀，不停爆^^

睇完就去左間八丁既日本放題餐廳道食。

一入到去，個裝潢都好暗，但睇落都好乾淨，環境唔錯唔錯。

之後就開始叫野食啦，實在太開心！完全唔洗考慮咁劃，呵呵！

先總括咁講下叫左咩野食啦：

魚生、炸蠔、炸天婦羅蝦、炸芝士丸、芝士焗雜菌、日式魚翅、牛柳粒，

仲有三文魚沙律、雜果沙律、牛脷串、雞翼串、青酒煮蜆、慕思蛋糕，

最後當然唔少得飲品啦，有雜果賓治、菠蘿沙冰、凍朱古力、荔枝沙冰……

宜家咁樣諗番起，都突然覺得好肚餓，好想再食多次勁既。

魚生種類多，最重要既當然係夠新鮮啦，有三文魚、赤貝、八爪魚、墨魚，

美中不足既就係我好鍾意食既馬刀貝係冇得供應囉-.-

至於炸蠔同天婦羅蝦都好好食，唔係淨係得舊炸粉。

啲慕思蛋糕仲分左士多啤梨味同埋薄荷味，

奈何我地想叫士多啤梨慕思蛋糕果陣時已經暫停供應-.-

坦白講，呢啲慕思蛋糕一啲都唔飽，係我個胃道佔唔到咩位置。

直接啲黎講：好似食左啲風落肚咁樣。

沙冰都唔錯，雜果賓治好好飲，TROPICAL口味，朱古力濃到冇得再濃。

今次食得都好飽，味道都唔錯，同附近間松屋有得比，各有特色。

食左兩個鐘之後就返左屋企啦，睇左陣電視就打左陣Winning，

結果就再一次三點鐘先至訓教，爽呀！聽日呢……啲節目就真係好精彩。