二零一零年十月十日，

所謂十全十美既一個星期日。

尋晚打完BLOG睇左陣電視再打左陣機，

理所當然，差唔多三點先訓係好正常。

今朝一起身就再不停咁打Winning，

晏啲就出左去學琴。老師同我講左句野，

我聽到之後都好意外咁樣望住佢，心諗自己尋日先係篇QZ講：

話時話，個八級鋼琴考試成績應該就黎出，宜家真係有啲擔心。

出乎意料地今日就比左個又驚又喜既考試成績我。

佢一開始叫我自己估下幾多分先啦。我跟住就由110分咁數上去，

點知老師就話：「唔只，唔只咁少……」最後佢就話我知：

個答案係126分。我實在太開心啦！

坦白講我自己冇諗過會有merit架，一開始仲諗住得110分。

果陣時個心情都真係好興奮，之後就即刻同媽咪爸爸報告啦，哈哈！

點知佢地一聽到呢個好消息之後，都有啲「顎然」既感覺。

但當然唔會少得一句「咁叻呀！恭喜晒」等字句……

跟住既每一分、每一秒，我心情都令到爆，好開心好開心！

返到屋企就同佢地傾MSN，搞店左個英文話劇既主題啦，好耶。

夜晚舅父佢地兩個又上左黎，而媽咪就煮意粉同煎羊扒食。

宜家佢地又打緊牌啦，太開心啦！今晚唔洗早訓，呵呵。

頭先幫媽咪打左一鋪，打左隻八萬之後，我原本就係叫糊架啦，

點知上家就降左隻八萬，再自摸，所以我要包底，再一次敗家仔。

唉，星期二又有IH QUIZ同埋數學QUIZ，恐怖恐怖。

數學第三課就識得計哂全部基本既題目，深入既就另計。

IH果啲天氣同埋氣候就冇咩特別，再睇下啲季候風就算啦！

聽日打波最好就順手啲啦，要加油！

如果打單就唔好咁容易攰；打雙既話就夾好啲=)