十月十三日，年度運動會既大日子，我其實都好期待。
講明先呀，呢篇野會好長，好詳細架，大家比心機睇-V-
真係好好彩，今日全日都好好天，陽光普照，衰在太曬。
由於係黃社幹事，七點半就去到小西灣運動會，
幫佢地手去set up同埋佈置一下果個觀眾席。
我始終覺得黃社啲旗幟係四個社入面最令架，呵呵！
九點正，運動會開幕典禮開始，首先就升旗，
跟住唱校歌，校長講歡迎辭，運動員宣誓，最後個程序當然係
由校長攞住支氣槍，「嗶──」一聲就劃破上空，
同時宣佈本年度既週年運動會正式開始。
先由男子A組800米打頭陣，我地社既陳學峰同葉嘉麟先拔頭籌，
分別攞到黃社同運動會既第一金同第一銀，真係好開心喔！
坦白講，今年啲F.1好煩，又多野講，又串。
無時無刻都係道叫社長，社長。喂，古柳權過啦丫！
又或者扮晒勁咁攞左個大聲公lead左我地叫口號囉……
之後我就預備跑100米初賽啦，同陳冠達傾左陣計，
再互相幫對方拉筋，兩社幾和諧，哈哈！
之後我地兩個發現果一組既其他candidates都唔快，
所以呢一場會係我地兩個既天下，呵呵！
話說我起步真係唔錯，我聽到set再數三下就衝左出去，
唔理所有野，好放咁樣直跑，奈何MICHAEL好快追到我。
最後我地佢係相差幾步架炸！其他參賽者相當比我地慢一至兩秒。
最開心既就係可以同個算係好朋友既人同場較量，好有挑戰性。
跑完返左看台，再睇左好多場超精彩既比賽，
好似古柳權同李昊疾跑，輸人地成條街咁樣，超勁囉！
跟住果個幾鐘就不停坐係果個位道曬太陽，等食飯。
得閒就行去個正門道睇下個100米準決賽名單出左未。
過左一陣，就開始食晏啦，好開心喔！
我地事先托PHOEBE請佢工人買埋KFC比我地，麻煩晒。
雖然唔係食得好飽，但係同埋1A既舊同學一齊食，幾興奮架。
食完就同MICHAEL去左睇準決賽名單，實在太開心啦。
我達到自己既目標：以小組次名身份入到semi-final，
因為咁樣我又set左另一個目標：要以準決賽首名身份入決賽。
我咁大野心既原因係準決賽果場既其他參賽者應該唔係好勁……
食完野就又要預備另一場初賽啦，就係男子丙組200米。
同樣地，又係我同MICHAEL既單打獨鬥既時間啦，
跑第八線道既我起跑後又係一直衝，但一過左彎就比佢過左。
當我都冇理到，因為一早知道唔係跑架啦，所以我就好努力咁追，
去到最尾果幾米我發現隻腳冇晒力，差啲仆低添喔，
然而最後同佢既距離都相差大約八米到啦，唉！
話說我跑完呢一場之後隻腳係疲勞性咁好攰，冇咩力，
左腳條大痺筋仲好意外咁拉傷左添喔，唉！玻璃玻璃玻璃……
著返條長褲之後，就跑左去個正門道，
因為同時身為Announcer既我係時候on duty啦，好緊張！
之後一個In-charge既同學加老師就好簡單咁講左個format，
就比左張比賽結果既紙我，叫我開咪講下，哈哈！
鑒於第一次用廣播同全校講野，攞住比賽結果果隻手不停咁震，
不過好彩啲英文都冇因為咁而降低晒啲「質素」，好耶！
講左幾次之後終於上晒手啦，跟住一直都未有公佈結果，
咁我就走左去Sapphire看台搵Miss Ip傾左陣計啦，
跟住Miss Leung又過左黎，問我係咪跑得好快？小學參加過啲咩運動？
突然我見到黃社既運動員超越左藍社，我就好自然咁大叫TOPAZ！
但係我醒唔起我身處何方。Miss Ip聽到之後，即刻問我：
Do you want to be KILLED? 我講左句SORRY就返番落去正門果道，
我地既校長就行左過黎，問我同Kevin，你地兩個係咪中二？有咩參加朗誦節？
叫我地好好珍惜做MC既機會，同埋話佢好少聽到男仔可以講到一口幾fluent既英文。
聽到呢道，我又開心，又緊張。始終今次係第一次面對面同校長傾計-.-
之後又用次唔錫聲咁不停叫TOPAZ，好落力咁打氣，點知把聲開始有啲沙。
過左冇幾耐，又同MICHAEL去左睇200米決賽名單，
值得高興既係我地兩個都冇問題，我當然又係以次名出線啦，呵呵！
下個目標就係要攞到頭四既其中一個位置，加油！
今日TOPAZ暫時排名唔清楚，可能係第三，亦可能第四。下個禮拜要加油！
去到頒發最尾一個獎啦，又係由開始沙聲既我去講野啦！
May I now call appoints our principal, Mr. Wong to present the medals
for the Graduation Class 4x100 relay, Mr. Wong please.
The 2nd runner-up is Class 7A. The 1st runner-up is the teacher’s team.
The champion is Class 7S. Congratulations to all prize-winners. Thank you Mr. Wong.
其實今次仲驚添呀，因為好多人既目光放晒落我身上。
個頒獎典禮完左之後，Mr. Hung同我講：「第一次講都好clear喎，唔錯！」
我再一次由心笑左出黎，得到人地既信任，讚許，好有滿足感喔。
之後幫手清理左看台啲垃圾之後，就去左McDonald’s。
原本諗住傾下英文PROJECT既，點知最尾變左吹水。
不過唔緊要，因為聽日會繼續架，哈哈！
RAYMOND仲話我知我跑二百米比MICHAEL過左個陣時，
陳學峰係咁打李昊，叫佢教我跑步，因為佢覺得我可以贏MICHAEL……
返到屋企發現自己塊面同手都黑左好多……唉。
|
