十月十七日晚大約八點到就係落馬洲返到西灣河，

原本諗住係街市食潮州野，但係點知太多人。

最後就去左「太快活」打邊爐，隻肥牛唔錯，

我一個人就食左果個餐入面90%既配料，

之後再同舅父佢地去左甜嫂道食甜品，

我就食左個朱古力棉花冰，同少少鮮奶燉蛋白。

棉花冰好大兜，同糖百府既差唔多；後者就好香，超好味！

返左屋企又十點幾啦，再將啲相上落電腦道……

結果整整下又搞到一點啦，唉！聽日又要死返學-V-

十月十八日朝早比平時遲左十分鐘起身，因為實在太攰啦！

但係出乎意料地，之後既每一分、每一秒都唔眼訓囉-.-

Home Period果陣時陳老師同我地調位，宜家坐Natalie隔離。

後方有CRYSTAL，前方有MICHELLE，側邊有PHOEBE同BRIAN加DEXTER…

中文說話堂練果啲N同L音既字，好慶幸地我有15/18分喔，哇哈哈！

中文堂派番篇實用文寫作比我地，之後陳老師講番啲錯處，笑死我啦！

第一：去海洋公園既集合地點係黃竹坑地鐵站，

第二：去海洋公園既費用係五十蚊，班主任會自己出錢資助，

第三：去海洋公園既集合時間係06:00；解散時間係20:00- -

我突然發現我地班既同學有想像力之外，仲好唔make sense!

週會就真係好精彩，啲長者義工係禮堂將啲飛機欖掟比我地喔，勁！

晏咒就同RICKY係McDonald’s買左凍奶茶同蘋果批返學校食，

英文堂果陣終於開第二課教啦，等左都唔知幾耐……

奈何佢用左大半堂去不停播短片，有望我地對內容有更深入既了解-3-

臨落堂前就請我地做Phonetic Symbols既PRESENTATION，

不過我地啲字的確好似係長左少少同埋深左少少囉。

最經典既就係佢係第一個老師留我地係課房，直到15:55先放人。