放左一日假期之後，又要返學啦！

十一月十一日可以話係我同一日遊歷左天堂同埋地獄……

英文卷打頭陣，升捧左我上天堂，同JASMINE一樣都係50/55，

91%就應該係全班同埋全級最高，最重要就係贏埋DEXTER。

之後既I.S.卷就一下將我打番落六十八層地獄，太恐怖啦！

數學卷，仍然係地獄的區域徘徊，真可憐。

話說我有5分跌左係CARELESS MISTAKES道，

見到自己錯埋晒啲咁白痴既野，都冇野好講，唉！

I.H.卷終於帶番我上人間啦，55/70分，唉！是但啦-V-

夜晚就按照慣例咁傾MSN啦，十一月十二日就冇咩特別，同樣仲有兩份卷未派，唉！

D.T.堂就成堂用個SOFTWARE搞個MODEL，好鬼煩；

V.A.堂就係道畫果張XMAS CARD，更麻煩。

十一月十三日，今次去到SARA道冇亂HEA啦，

首先就練左幾次個ENGLISH STORY，跟住又整啲背景音樂。

英文搞左一個鐘之後，大家個心情開始有啲散亂，

之後就試下音樂CONCERT開頭要一段，效果唔錯，加上個音樂，好正。

搞完一大輪野之後，就開始唱My Love啦，

我一道彈，一道聽住佢地唱，個感覺好舒服，其實都幾大聲=)

跟住我地就圍住張臺去傾聖誕PARTY既野，

我地六個就係道玩辣辣壽司啦，試玩完呢個遊戲，就繼續諗下有啲乜野可以娛樂Miss Ip啦。

完左呢個議題之後，又係道傾幾時收錢，

結果我地即興仆去電腦前面打通告，效率果然高到加零一，

然後就諗下Quizzing Time既題目啦，點知好多時都講左題外話，扯得太遠…

雖然最後搞到成七點鐘先至走，但係距離成功已經愈黎愈近。

去到婆婆道，發現阿妹已經識得自己行啦。話雖如此，行得唔係好穩陣。

唯獨未改善過既就係好痴身，成日都痴住個爸爸，連過去佢媽媽道都唔得，

唉！阿妹，你一歲幾架啦，唔好咁樣啦，好冇？