十一月廿日，朝早係Mos Burger食左早餐之後，

就開始買野，計數機、衫、筆、書，哇哈哈！太開心啦:D

之後就上左去SARA屋企，呢日就好認真咁練野，唱左幾次首歌同埋對左幾次稿。

夜晚見到阿妹，佢已經行得好穩陣，唔洗人扶，

我同佢玩果陣時佢仲「卡卡」聲咁笑，真可愛！

捱左咁多日既我終於定唔住，倒下了。

夜晚食完飯之後唔知做乜事，總共嘔左五次，

每次嘔完都好辛苦，最尾一次仲要連黃膽水都嘔埋出黎……

食乜嘔乜，就連水都唔可以灌落肚。

由於佢地打緊麻雀，我就訓係張梳化道先啦，

訓到屋企都兩點鐘啦，換番啲衫就即刻訓著左。

第二朝起身成個人都虛脫咁樣，冇晒水份，乾晒咁樣。

成身都冇咩力，仲要周身骨痛，好攰呀！

之後就探熱啦，唉！一百度呀。

晏啲訓左五個鐘，焗晒啲汗就精神晒啦，當然都退左燒啦xD

夜晚食左少少通粉之後又嘔左一次，不過好彩嘔完就食番好多野=)

最後我一點就訓左係張床道，奈何三點鐘先至正式訓得著-V-

嘻嘻，我上個禮拜訓得咁少，宜家呢一日訓番夠啦-.-

十一月廿二日，朝早起身果陣時已經冇燒，其實都差唔多好番晒。

只不過好懶既我就想休息多一日，哈哈！廢事傳染比人嘛。