話說十二月十一日夜晚，大家坐緊係梳化睇電視果陣時，

突然之間出面有人敲門，原來細舅父同埋靜姐姐有預謀要比媽咪一個驚喜，哈哈！

理所當然啦，佢地最好既慶祝方法就係：打麻雀同埋食零食=)

呢日我就幫爸爸打左一鋪，不幸地食唔得糊，得個「叫」字，唉！

媽咪既大日子又點會早訓呢，最後又三點鐘先至訓LU……

十二月十二日，為左慶祝媽咪既生日，我地就訂左位食自助餐，

今次呢間利景酒店已經係第二次食啦，總括咁講下啦：

魚生海鮮好味；最正就係有粉同海南雞飯，甜品還可以，熱盤冇咩特別。

而我為左呢一餐，成個晏咒都冇食過任何野，哇哈哈！

翡翠螺、鴨胸肉、三文魚、煙三文魚、青口、蟹腳、沙律……全部都唔錯；

海南雞飯佢比晒啲脾我；啲粉都好好味……嘻嘻！

至於雪糕就有三款，最正就係個芒果雪糕入面仲有啲椰果。

除左雪糕之外，仲有啲糯米磁添喔！而啲CAKE就過得去既xD

另外啲西瓜同蜜瓜都好甜；塊「難鬼牛扒」比預期中好:D

最特別既就係有得整類似PANCAKE既物體，自己落SAUCE。

話說我地食食下野果陣時，媽咪叫到有人攞左盤岩岩整完既PIZZA，

就叫爸爸即刻仆出去攞左幾塊，哈哈！好搞笑哇=)

走果陣時，我其實真係好飽好飽，有啲啲想嘔既意欲，不過最尾都冇事:P

唔知係咪食濟左，呢晚最後成兩點先至訓得著……真係好慘囉-v- Monday Blues.

我見自己訓唔著，就不停諗住PARTIES啲野，睇下有冇咩重要野未傾，催眠好方法。

十二月十三日，呢日考左兩個口試：普通話同埋中文朗讀。

普通話就冇抱任何期望……中文朗讀就一般啦，中段唔知做乜食晒螺絲，唉！

臨開始周會之前先醒起今日輪到我彈校歌，有啲緊張！冇練過FOR AGES……

不過好彩，係差一個音姐，如果唔係就算係PERFECT架啦，嘻嘻！

食完飯之後就上英文堂，派番份Phonetic Symbols Quiz……

講起就灰灰地咁，就連寫個符號都寫錯，咁又冇左兩分，最後得番45/50-.-

嘻嘻！聽朝去澳門勁食野啦，好期待喔！哇哈哈。

話說我係搭早船囉，但係宜家都成一點幾……so sad