請大家唔好介意呢篇野個主題要用引號括住「學習」呢兩個字XD
呢排真係稱得上忙到甩祿，果堆PROJECTS煩到我冇覺好訓。
話說代MISS LEUNG果位係以前既「化學之父」MR. FUNG。
感覺上佢好似好NICE咁，雖然成日將講完既野重複又重複……

佢有時仲會同我地講以前生活啲野，同埋關於CHEMISTRY既野-V-

至於今次考試既成績基本上都唔錯喔，普通話就好幸運咁誤打誤撞攞到70分

唯獨中文每一份分卷都好似炒炒地咁樣……

一月廿一日，學校既全方位學習日。坦白講，幾悶，無咩野學到，唯獨野食還可以。

果朝最後都係著左件黑色大褸，深藍色牛仔褲同埋黑色CONVERSE=)

係操場集合完之後就聽BRIEFING，最後就出發往……嘉道理農場。

其實呢，嘉道理農場真係好似動植物公園，冇咩特別吸引既動物，

值得一提既就係果隻肥到幾乎行唔到既豬，個樣始終唔太討好，

另外氣氛最高漲當然係果隻鸚鵡出場既時候啦，其他同學不停係度叫URROR- -

仲有既就係果位導賞姐姐，我已經好俾面啦，全程黑口黑面咁樣……友善度為零。

離開農場果陣時，KEVIN好幽默咁問我：我地今朝學左啲乜？

之後去到沙田既龍華酒家，呢間所謂既「酒店」比我既印象就係古老派……

其實唔多唔少都有啲海洋公園哈囉喂既影子-V-我地學校幾乎包左佢個場，成十幾圍！

無可否認，今次旅程最開心既莫過於食飯時間，對於我地黎講真係好開心，哈哈！

洗完啲碗碗碟碟之後，見到隔離女仔張檯已經上左隻乳鴿，而我地就菜都冇碟-V-

過左一陣，我地檯上面終於有碟西芹啦，但個侍應都未放低炸，RAYMOND已經搶住夾……

同樣地我地碟乳鴿放低唔夠十秒，已經所剩無幾，恐怖@@
隨後果幾碟野食都係比人用公筷整到亂晒，搞到張檯極DIRTY囉，七國咁亂！

EDWIN隻手仲唔知做乜野，成個碗竟然可以由佢隻手道滑左落碟食完既菜……痴線。

有一碟細細條肉絲炒菜原本好地地，但係RAYMOND就好唔衛生

係咁用自己對筷子整黎整去咁，真係好核特-V-　搞到我地完全唔敢掂……

不過好彩陳老師最後知道左，要佢食晒成碟野，真係笑鬼死:)

最後啲山水豆腐花MICHAEL同RAYMOND都搶住要，又搞亂當，唉！

跟住RAYMOND有堆豆腐花跌左落檯道，之後仲比佢壓到碎晒ORZ

仲有添呀，RICKY仲要倒瀉左碗糖漿，搞到我地要配給，救命！

臨走之前，MRS. CHUNG無啦啦問我夜晚去唔去打波，我最後都應承左佢=)

離開左龍華酒店(?)之後就去左文化博物館。

唔知係咪因為皇仁又係呢日黎參觀，我地等左好耐先入到去……

同樣又係一個零特別既地方，上年去完，常設展覽基本上記得晒講乜，

至於果啲藝術展覽就好快行晒，最諷刺既就係逗留時間成個半鐘-V-

我地係兒童探知館行行企企同埋坐左一陣，就係SOUVENIR SHOP去消磨時間……

突然之間覺得時間過得好慢，隻腳等到終於走得果一刻已經好攰啦XD

返到屋企換去行裝，就落左去婆婆屋企。

原因就係舅父返半日，理所當然同佢切磋WINNING球技啦=)

差唔多夠鐘果陣時就好似好趕咁樣飛番去藍灣半島個會所，

除左MRS. CHUNG同鄭心怡之外，仲有個宜家冇教既MRS. LAM。

我地猜左陣波之後就輪住黎合作，出左一身汗之後真係好舒服，ENJOY喔。