完全諗唔到一個比較合適既標題，唯有用日期啦。

一月廿二日，朝早九點鐘又去左  打波，連續兩日打果然係件唔錯既事喔，

不過感覺上呢日好似易攰左好多咁樣，體能同前一晚差好遠。

夜晚係婆婆屋企食完飯之後，仲同爸爸去左麥當勞食宵夜，

呢晚除左打WINNING ELEVEN之外，仲幫媽咪打左成圈台灣麻雀，

哇哈哈！宜家已經冇一開始打咁緊張啦，叫糊都冇心跳加速，嘻嘻！

最重要既就係食左好幾鋪糊，幫媽咪搵多左啲收入添喔，好耶。

結果，返到屋企都差唔多五點鐘啦，好耐都冇試過咁樣，爽XD

一月廿三日理所當然就一點半先起身啦，訓番夠本嘛！

之後學完琴就出左銅鑼灣入貨，夜晚就返屋企打邊爐，太開心啦。

一月廿五日冇P.E.堂，果個連堂結果就變左自修，

做左啲功課之後就繼續刨埋本THE BFG去啦，個故事真係好得意囉XD

LUNCHTIME之後諗住問MISS IP攞番隻裝左啲相同短片既USB，

點知我係教員室又搵唔到佢；係1A個班房又睇佢唔到，結果就放棄左。

跟住去左D.T. ROOM搞個MODEL，我自己都係呢日朝早先知道放學要PRESENT-.-

臨走之前，再去教員室碰碰運氣，今次終於見到MISS IP係四樓行緊落黎，

佢問我：Why didn’t you come to see me at the lunchtime?

I have asked for you at the staff room but you were not here.

You should know where I was.

I have been the the 1A Classroom and I couldn’t see you.

之後佢隻眼斜視著我，再做左個手勢，講左句：I am small. 佢啲答覆真係笑死我！

一月廿六日，MR. FUNG最尾一日黎代MISS LEUNG既英文堂，

呢日我做晒啲ASSIGNED CLASSWORK之後，就攞住本BFG，

睇睇下就不自覺咁訓左。訓訓下，突然MR. FUNG係我側邊講野，嚇到彈起！

咁樣訓左十五分鐘都真係唔錯，至少都補番少少精神嘛-V-

話說中文堂陳老師比時間我地傾PROJECT啲野啦，

奈何中文個專題內容同I.H.果個差唔多一模一樣，都係香港古蹟，可惡！

電腦堂就比我地自己做POWERPOINT，哎呀！真係好麻煩囉……

一月廿七日頭果兩堂，MISS LEUNG依然帶番果個笑容入黎課室，

講左一大堆開場白之後就問我地考試成績好唔好？

之後就主要比我地做下SPEAKING PRACTICE，了解下個PARTNER。

中文堂果陣時，就輪到我地去禮堂道影班相啦！

咁岩我地前面正正係MISS IP帶領既1A，話說望住佢地真係好有出年既影子。

最重要既就係MISS IP影Q版果陣個姿態同上年一模一樣：KIU手-V-

午膳之後既I.H.堂，MISS LAW因為要影班相就MISS左我地果堂，

我睇晒啲ASSIGNMENTS之後又敵不過睡魔，又訓著左；休息左十幾分鐘之後果然唔錯喔！

放左學之後就即刻換左件羽毛球TEAM衫啦，其實著住件短袖衫同禮褲真係好凍……

最諷刺既就係我地既隊長唔記得帶TEAM衫，擾攘左成半個鐘終於可以影啦-V-