四月四日為學校既全方位學習日，用一個字總括全日活動：悶。

呢日我就好似平時咁著左件短袖T-SHIRT，加埋條牛仔褲，

重點就係上衣著左件新既黑色JACKET，其實我覺得都OK型:)

朝早因為要PERFORM所以就七點十五分前返到去啦！

好巧合再次係學校門口撞到SARA，兩個平排咁行，

學CHRISTINE話我地好似好襯咁樣行左入學校門口，點知幾個人見到。

果陣時我好自私咁樣諗，佢地快啲諗多左啦-V- 將佢地見到既野出去XD

之後大家開左聲之後就當然練下首歌啦，差唔多八點果陣時就落左操場排隊啦！

開幕禮開始左冇幾耐，MISS CHUI就叫我地分番三行企，方便上臺。

而STUDENT ASSOCIATION就叫我地搵代表攞兩個獎項啦，太開心！

首先就係最具心思禮物比賽中二級既冠軍，咁我`KEVIN`BREAD同YOYO上左台，

慶幸有好多人陪我，冇怯場，用左幾句好簡潔既英文講左啲DESCRIPTION。

過左冇幾耐，SA既人又叫我地班既主席，姐係我再上多次臺象徵式送份禮物比陳老師，

因為前果一輪啲OFFICIALS冇影到相，所以宜家就要補番。

今次我就要獨自企係果個迷你STAGE道，將份筆記簿親手轉贈比陳老師=)

最後就係頒發LYRICS WRITING COMPETITION啦，雖然1A同我地雙冠軍，

不過講真都冇咩所謂啦。佢地地攞完獎唱之後好細聲，基本上係完全聽唔到，唉……

而我地2A班就搵左作曲既RICKY同主要填詞既PHOEBE上臺接受嘉許XD

司儀講左句 “Let Class 2A perform their song” 之後，

我望下攞住小提琴既ALEX所比既SIGNAL，就好有自信咁開始彈前奏。

點知唱到一半都未夠，啲雨愈落愈大，天公完全唔造美XD

所以啲老師叫我地暫停表演，等啲同學上晒課室出面既走廊先至繼續，

正當果個時候，鄧景行企左係我附近，好驚訝咁問我：乜原來你識彈琴？

之後又有個女仔係道問我：你叫做咩名呀？你彈琴好犀利啊-v- 搞到我有啲SHY=)

擾攘左差唔多五分鐘之後，我地終於可以由頭黎過啦，呵呵！咁樣真係有啲老套XD

果陣時個電子琴係更衣室出面，左手邊就係一班伴奏同學同埋演唱者-V-

而只要將個頭稍微望著上面，就會覺得眼前望到既野好壯觀同宏偉，

全校既老師同埋同學企晒係走廊道，而今日雙喜臨門既我地可以話係威盡全校！

今次聽到呢首We have you to be with，個感覺比之前更加特別，

好震撼，好感動，好自豪，好興奮，簡直可以話係珀感交雜啊。

成首歌個旋律係幾咁優美動人，完全係令到audience投入左落PHOEBE個意境道:)

話說唱到中段果陣時，五樓既高年班同學唔知乜事係歡呼，笑左@@

最後我地返到課室，陳老師顯得特別開心，起碼我地呢日既表演係幾咁淋漓盡致。

佢事後同我地講番原來唱唱下唔知係咪太大聲，搞到音樂室出面條咪箱線爆左XD

之後佢揭開本筆記簿，就睇到JACKY所寫果篇改編既《愛蓮說》，

雖然當中既內容有少少刷鞋，但係真係好CREATIVE，見到陳老師笑成咁我地都好開心！

放左學之後我`HENRY`ALEX同RICKY遊蕩左差唔多成個鐘先決定去越棧道食，唉……

四月五日清明節，係表哥屋企終於第一次玩XBOX個KINECT，

感覺上好似玩WII比較容易控制囉，嘻嘻！

夜晚返到屋企就成訓兩個幾鐘再起身睇歐聯，皇馬對熱刺，

慶幸今場皇馬怒炒對手四比零，都叫做精彩啦，如果唔係就浪費晒我既精神！

四月七日朝早我就搶先返到課室，為左唔比人知我要放張卡係SARA櫃筒，

放左學之後終於輪到我期待左差唔多成年既師生羽毛球比賽啦，

最初我同盧諾晞知道要對校長PRINCIPAL WONG同MR. CHEUNG之後，

其實都真係好擔心，不過「落場都冇父子」，更可況係師生關係，

所以我地兩個決定有波照殺，最多殺地下，唔打人，咁樣似乎比較恰當:)

奈何我果陣時先發現MR. CHEUNG可以話係唔識打，

但我地已經盡量打比校長，一黎廢事佢累全家，二黎廢事佢樣衰，

點知結果竟然係出乎晒所有人既意料，我地兩個大勝敵方廿一比七，

而我地校隊最後仲係險勝老師隊局數六比五，果然係青出於藍。

之後MR. HUNG見到我，話乜原來你都係羽毛球隊，我點點頭，

佢再問我叫咩名？佢隨後淨係講到「陳」、「章」兩字-v-

最後我仲試過同MR. HUNG合作，對壐龍同埋校長，結果都係贏廿一比十七。

呢日都可以話係狀態大勇啦，打幾多場就贏足咁多場，好耶！

呢晚同前一日一樣先訓兩個幾鐘先起身睇波，呢晚就車路士對曼聯，點可以錯過？

坦白講呢兩隊其實我都係抱著個中立既態度，邊隊出線都可以=)

結果曼聯就係靠一球組織好令既入球小勝一比零-v- 唔錯唔錯！

另外值得高興既就係睇完波之後果個上課日唔係異常攰，太好啦。