四月廿一日，復活節假期既開始。
呢日原本JASMINE`KARINA`JANET`BRIDGET約左HENRY，
點知HENRY就唔想得自己一個男仔，所以叫埋我去，
最初我都冇諗住去，始終佢地都冇搵過我，好似冇咁好咁XD
點知最尾JASMINE話冇所謂，多個人好玩啲，順便慶祝埋我生日-v-“
果日朝早我地係馬莎等齊人就慢慢行左去溜冰場等開門:P
原來我同HENRY都處於同一個情況：勁耐冇溜過，
所以我地兩個今次係以一個初學者既身份去玩=)
話說我已經「闊別」呢個地方至少六年，呢日再踩冰真係好緊張。
岩岩開始著住對鞋其實平衡唔到，所以要長期扶左個欄杆咁行，
大約行左兩個圈之後，就開始有少少進展，可以半溜半扶。
在頭果四十五分鐘內我地兩個基本上都係度自學，
而佢地四個女仔就好似成日溜咁樣，超上手囉-o- 真係好羨慕。
係呢段時間我當然有跌過既經驗，咁就梗係有少少醜怪囉，
佢地就話我隻腳唔夠直，所以先至好難平衡，叫我改下隻腳喎……
經過多次既嘗試，我終於搵番幼稚園果陣時學溜冰既記憶啦，
我隻腳開始變番八字型，平衡得愈來愈自然，亦可以踩三下溜一下:)
而溜既速度亦都自動加快左，同時我再次跌低既風險亦大左，
慶幸好多次我差唔多跌果陣時，一係有欄杆同雪糕筒，或者傾前個身攞番個平行，
奈何HENRY冇我好咁彩，佢跌既次數都係比我多@@ 仲好似整親添喔。
有次佢地四個仲要先後拍我個膊頭，好彩冇比佢地嚇親，如果唔係就……XD
闖蕩左差唔多兩個半鐘頭，著住條牛仔褲加件新JACKET溜個感覺真係好爽，
雖然跌過幾次，兩隻腳嚴重被對溜冰鞋整損左，但搵番六年前既回憶都係值得既，
我絕對覺得溜冰呢樣東西係要定時去溜，如果唔係下次又係好難適應-V-
之後我地好神奇咁樣極速選擇左去PIZZAHUT道食，
都係叫左兩個大批同埋一個海鮮闊條(麥面)咁囉XD
係PIZZAHUT逗留左陣之後就好天真咁樣行左去冒險樂園，
JANET攞左張會員卡出黎，換左大約幾十個硬幣啦，
我地六個人就圍係三部籃球機前面，每輪加加埋埋都冇左十二個COINS-_-
唔知乜野原因，我同HENRY第一次連STAGE ONE都過唔到，無地自容……
之後再發現JASMINE同KARINA佢地兩個好勁，十球入八球*V*
至於JANET同BRIDGET個手勢好似好標準咁樣@@
而最後果次就我地六個霸佔一部機，輪住黎射，真係好開心=)
臨散之前我地仲係LEGO展覽個entrance果兩個公仔前面影左張相留念XD
雖然成日個交流稱得上係甚少，而JANET就話我地就好似係條街到撞到咁樣-v-“
但係我自己覺得今日好滿足，始終可以咁癲咁係街道玩，不失為件樂事，
希望我地幾個既友誼日後可以再透過呢啲GATHERING有所增進啦=)
事後先知道呢日原來係我既農曆生日，令到個意義變得更加重大:)
四月廿二日夜晚就係婆婆屋企食飯，
而佢地飯後既例行公事當然係打麻雀啦，
唔知點解呢幾次打台灣牌完全冇糊食，
呢晚結果又係兩點幾先至可以訓落床，哇哈哈！
奈何訓左唔夠六個鐘又要起身趕出去尖沙咀集合，
主要係因為呢日參加左個「香港地質公園」既一日團。
旅遊巴好快就係尖沙咀奔馳到西貢市中心，
令到我不敢諗番起六年級大家興致勃勃咁樣去麥理浩度假村……
係鄧肇堅運動場落車之後，我地係跑道上逗留左一陣，
微風迎面吹來，天下著微微的雨點，感覺真係好舒服，
為左應酬下個表外甥，唯有負傷同佢「鬥跑」，哇哈哈XD
其實呢個運動場個感覺好乾淨，美中不足既就係太細啦，唉-v-
隨後我地係西貢果個碼頭上左個船，先去左橋嘴州睇果個菠蘿包石，
呢啲自然形成既石係以其外形去命名既，其實都幾似架:P
奈何抵達果陣時係水漲，如果唔係就會有條石路通往另一個小島*V*
之後就曾經係海中心停留左一陣，睇左排好宏偉既石壁，超得意，
跟住再係個小島上面睇左個叫做鹽田梓既地方，
話說果道既農田有好多蟹仔、蝦仔、彈塗魚等等既東西-V-
成個朝早基本上都係船道渡過，中午時分就係西貢海鮮坊既其中一間酒家用膳，
雖然啲餸菜唔可以稱得上特別好味，但可能我太肚餓，裝左好多好多飯=)
值得一提既就係果隻鮑魚真係好鮮，唔算太硬，幾好味啊！
話雖呢餐食左好多野，但係我仍然跟住舅父同靜姐姐佢地行左去間BAKERY。
話雖七蚊買個菠蘿包唔算好抵，但係個飽其實好大個同埋個表皮都幾脆；
另外就係熱辣辣既葡撻，就算不能同澳門果個瑪珈烈比起，但個味道都好香！
呢日既最後一個行程就係參觀個叫做獅子會地質教育中心，
裏面設置左幾個展館，啲展品都好得意，有啲以貝殼為主題；有啲則以石塊作主題，
此外仲有啲農田，話說我仲同啲太陽花同埋向日葵影相添啊:)
坦白講比起上次果個咩嘉道理農田簡直係天壤之別呀，哈哈！
呢晚就係柴灣JOIN番舅父佢地兩個，係越棧道食左好多野，好滿足:P
由於呢日既體力已經耗盡，我神奇地係假期日子裏面一點前就訓著左@@
|
