話說前日正式考完中二最後一次既學期考試啦=)

諗番起考最尾一科電腦果陣時，叫停筆果刻係幾咁開心@@

最後HENRY`RICKY`ALEX`MATT LEE就去我屋企，

話說我細個到宜家都甚少比人黎我屋企XD 升中後更係第一次=)

返到屋企之後同利天恩即刻係WINNING ELEVEN道決戰，

慶幸我兩場都贏左佢好多，如果唔係有主場之利既我就好冇面啦XD

後來RICKY`ALEX同HENRY打機果陣發生好多笑料，

佢地三個由於都係好少玩WINNING，搞到醜態百出，

利天恩仲要將佢地既行為拍左做VIDEO，放埋上FACEBOOK-___-

過左冇幾耐我地就由原本打機改左玩啤牌，理所當然係鋤大D，

估唔到原來利天恩同埋HENRY係咁犀利@@ 真係失敬失敬，

而RICKY就完全冇理我地，陶醉左係自己既越南大戰道……

其實原來同佢地玩都可以係好開心，雖然玩既野可能未必同我地既年紀相襯，

但係成班朋友圍埋一堆互相咁樣笑黎笑去真係會好癲，

更何況笑係會渲染其他身邊既人，所以每當RICKY怒笑果陣我就會跟住癲XD

佢地最後就由十一點HEA到五點先至走，我就理所當然要清番個場:P 亂七八糟XD

六月十六日係LEAVE DAY，奇蹟地好早就起左身;)

奈何呢日除左淨係練琴較有建設性啲外，其餘時間就係用黎打機、上網同MSN-___-

呢啲生活如果持續到中三開學，都真係幾枯燥-o- 恐怕連自己都忍受唔到……

最近又要開始練首新既古典DUET，黎緊好快又要同RICKY再踩上台道表演-V-

雖然今次呢首坦白講冇上次TEA FOR TWO咁正，但係難度上似乎有好大差別*V*

所以呢就一定要努力努力-V- 唔可以拖累佢，更加唔可以整衰自己:P

至於陣間返到學校開完班會就要……派卷-V- 唯有寄望幸運同奇蹟會發生係自己身上啦！

再次希望自己心情唔洗大起大跌，咁就已經心滿意足~LUCKY :D