六月十七日，原本值得期待但最後都係失望收場既日子。

呢日幾早就出左門口，落咁大雨都唔知係咪一個唔好既徵兆，

係音樂室圍好啲櫈之後，就開左個琴練首DUET，

RICKY都黎到之後我地正式第一次開始夾呢首HUNGARIAN DANCE，

雖然淨係彈得頭果兩頁，問題都唔算太多，希望下次就可以熟晒啦=)

極度慶幸呢日我地可以係果一個鐘時間傾晒我想講既野:P

開左班會係時候要到禮堂派卷……簡直係緊張到心跳加速同腎上腺上升-V-

其實呢日派過幾份卷都離不開同一個問題，除左英文作文果份卷。

冇錯，英文PAPER II個分數的確唔錯，我自己本身都應該係滿意同接受，

但個重點係我要求自己既唔只咁簡單，我果刻淨係知道我對上仲有好幾個人，

原本推動我英文要努力果個願望同目標，今年似乎都達唔到喇……

中文PAPER II絕對係比上三次既評估高左好多分，呢樣亦都係值得高興既野，

奈何呢個世界唔淨只我一個人進步……想要脫穎而出都真係唔簡單@@

至於英文聆聽、中文寫作同中文聆聽勉強都過得去啦，

都係果句，如果要同全級較TOP既人比起，都可以用係咁先三個字講晒。

至於冇得唔提既英文寫作卷……第一眼見到個分之後個腦係停止運作左幾秒，

再有番知覺睇番篇短文同長文果陣時都唔知比咩反應好……

短文既字數限制最多係77，多字扣分，內容要寫教個朋友解決困難，

我真係唔識點樣先可以係字數限制入面寫OPENING、ENDING，

再要寫埋點樣幫助果位朋友，仲要舉出實際方法，真係唔簡單X_X

長文要寫STORY，比左個OPENING你叫你續寫落去，情景坦白講唔難諗……

但係我睇完佢個MARKING SCHEME之後我真係多左好多個疑問，

What is a story? What makes a story? What kind of story should be written?

故事，純熟虛構，換言之姐係你可以寫個IMAGINARY或者REALISTIC既情節，

題目冇指明要實際定係唔實際，但點解你份評分準則話我地既故事太有創意？

你上堂明明提過我地作故事要有創意，故事既結局要有TWIST，

你唔好話比我知寫完一大堆字之後，原來只不過係一個夢叫有創意同有TWIST……

冇錯，每個MARKERS諗既野都唔同，佢地用主觀既態度改作文更加係無可避免，

但係我真係好想知道，我寫既內容係咪差到咁樣，我我用既文法係咪不知所謂都咁樣，

係咪一個無可能係真正世界發生既故事就只能夠得到比合格高少少既分數？

我打咁大段野唔係因為份卷低分而發脾氣，只係提出一啲正常人會有疑問既野……

的確呢份分卷完全拖垮英文既整體成績，冇ANNUAL頭三算，今次考得差都算，

佢平時改文嚴再算，但最唔能夠就咁算既就係點解佢改EXAM PAPER都可以咁STRICT，

佢呢種咁既改法其實應該有好多人都死係佢手上……佢為乜要咁不留餘地，

為乜要再次令到我(或者加埋個地字)繼525 DISASTER之後再次憎佢？

有同學問左我條問題，我自己都諗左好耐：佢對我地A班同其他班既尺度係咪唔同？

返到屋企終於可以搵人同我發洩……心頭之恨基本上都發晒。

夜啲搭巴士去旺角果陣，原本聽緊歌，突然之間有種感覺，

其實我果刻淨係知道自己好唔開心，我腦海諗左好多好多野，

諗番起我考英文前果幾日不停係咁做練習，係度操為咩？

我淨係想英文要穩佔一定既名次，唔可以再每況愈下，

冇錯呀我TENSES同MC CLOZE的確係岩晒，其他都唔係錯好多，

但係我淨係比寫作呢份卷足以拉低晒，果陣真係好委屈，感覺好難受，

再次覺得我做既野係白費，點解次次都係付出同成果唔成正比例？

呢晚就係旺角間吉壽食日式放題，奈何始終唔夠松屋正~

唔知係咪派卷既原因，冇咩心情不特止仲要有少少胃痛X_X

不過都食左幾多野既，魚生雖然冰鎮都好似款式唔多，

唯一令到我有興趣既都係三文魚，至於啲天婦羅蝦同埋炸蠔都唔錯，

另外果啲芝麻雞翼都炸得好香*V* 和牛同雞軟骨串都偏咸，

最令人失望既就係個雪花肥牛鍋既肉太實，雪糕係雀巢，太CHEAP喇！

返屋企果陣時同媽咪講番佢好似唔明咁樣，唔通要搵個明白我諗咩既人真係咁難？

唉！真係好失望，唯有寄望下次再對卷既日子唔好再係咁樣喇:(

嘩宜家又兩點鐘喇，各位晚安，訓教。