唉;S 宜家出面個頭灰矇矇咁樣，啲雨又大，啲風又大:(
其實咁樣真係極度影響我既心情……況且晏啲仲要出街學琴同埋食飯X_X
話說宜家隻左手同左腳同出左少少問題，好酸痛:( 可能係尋日溜太耐既原因。
諗番起岩岩果個星期日夜晚坐住表哥架車，兜左去九龍城食野，
食完再吹住風咁樣上左飛鵝山山頂飽覽成個香港既夜景，
果陣時同啲雲真係好近距離，如果可以跳上去你話幾好呢:P
望住腳底下既九龍同埋對面既國金、中環廣場，真係壯觀到呢……
幢幢大廈都係著晒燈，灣仔果邊就有勁多顏色既廣告燈牌，映襯之下真係好靚！
慶幸呢晚既天氣真係好好，好耐都冇見過天上面有咁多咁多粒星星@@
對比起尋晚真係差好遠，忽然間可以落鬼咁大雨，扯風扯都癲-V-
六月廿一日，好早就出左太古同半班同學溜冰，哇哈哈！
好開心今次對溜冰鞋冇好似上次咁刮到我兩隻腳啲皮甩晒，
淨係令到上次整到果兩條疤痕有少少腫左同埋瘀左少少:P
或者對上一次溜係四月既事，今次只係需要用番十分鐘就可以溜得幾順喇=)
RICKY`HENRY同我通常都係係場上面周圍闖蕩，我真係好追求果種速度，太爽喇！
好彩呢日只不過係失左兩次平衡，冇擁抱大地，兩次都唔多丫:)
仲用埋啲手指支撐成個身體，如果唔係真係好樣衰喇:S
洗場果陣時外賣既PIZZA送到黎喇，我地好怪咁樣係果度開餐……
至於果啲溜冰場既”GUARD”就用啲好奇異既目光望住我地……有點兒那個:D
食飽左又玩左陣鋤大D同埋睇人玩大富翁DEAL，跟住又沖番入場繼續溜喇-V-
係果個場道飄黎飄去，真係好開心，感覺超自由啊，話說呢段時候就發生段插曲：
隻小腿溜溜下嚴重抽筋，簡直係痛到我就黎叫救命-___- 唯有休息下再繼續:P
溜左加埋差唔多三個半鐘，兩隻腳都好攰，隻左腳仲因為抽過筋搞到啲肌肉好唔舒服，
不過冇所謂啦，反正呢日玩得咁開心:D 我真係覺得要定時去溜-V- 一於決定三個月溜一次啦！
離開左溜冰場之後，RICKY`BRIAN`HENRY`BREAD`MAN同我去左RITA屋企，
我地先玩DEAL，唉！我今次輸得好轍底，好似地又冇，錢又冇，雙失青年@@
跟住由於有人想睇我玩七級豬輸左噴水，點知今次滿足唔到佢地啦，哇哈哈！
我玩第三次終於掌握到個所謂既技巧，就係要……一眼關七，嘿嘿。
再加上BRIAN次次都插嘴同我地講野，搞到不斷升級，簡直笑死:P
所以七級豬呢啲咁艱巨既TITLE都係留番比佢好喇，我唔同佢爭=)
原本就罰飲水，最後我地決定要BRIAN講出「愛的宣言」，呢句野到宜家都好深刻@@
嘩佢真係好大膽啊！簡直太犀利囉，唔知「佢」聽到會有咩反應呢？
之後呢HENRY就示範玩左鋪鋤大D比RITA睇，最深刻既果句就係：
咁你係咪想我教你丫？哇哈哈，簡直……，更有趣既就係有人賊喊捉賊，啲反應太浮誇=)
最後玩多個超經典既遊戲SCRABBLE，哇哈哈，繼上年四月就冇玩過喇！
其實玩完SCRABBLE發現自己真係識得好少字……
玩到五點半就返左屋企喇，突然成個天黑晒，仲落鬼咁大雨，
果刻諗住今次死硬，姐又冇把，件衫都係當姐咁用……點知落車果刻停晒雨@@太神奇！
唉，放假真係冇野好做，練完琴又係對住電腦，對住電腦又係上MSN-_____- 就黎癲。
哎呀宜家隻左手同右手「手指公」好痛，完全唔知咩事X_X
噢宜家出面終於停左雨嚕，雖然都係好大風。一陣我咁樣出街真係唔簡單:P
|
