宜家真係好頹好辛苦，雖然只不過係好少事，但足以置我於死地。

平時既我根本就冇易就壓力爆燈，但呢兩個禮拜對我黎講簡直想死，

印象中我好似已經為左三樣唔同既野而喊左三次，愈黎愈眼淺……

六月十七日，因為覺得作文分卷竟然拖累成個英文成績而喊；

六月二十日，比人無理取鬧，唔知道我係背後付出左乜野，完全唔識體諒，又喊；

六月廿五日，完全覺得自己無能力再承受呢堆無形壓力，

今次呢個GATHERING已經一波三折，仲要係一波未平一波又起，

但呢次其實只不過係件好少既事，又搞到我喊，都唔知自己想點樣……

六月廿三日，朝早就去左SARA屋企傾啲禮物同埋活動既安排，

而我同RICKY就預早左少少去到練陣琴，話說首HUNGARIAN DANCE進展唔錯=)

之後我地就好興起咁樣講果日既安排，仲打埋比啲同學問添，效率都算好高-V-

最犀利既就係我地以短時間大致計劃好第一日既行程。

除左講長洲啲野之外仲諗埋送比老師啲禮物個DESIGN，實在太開心啦！

過左陣我地原本諗住搵長洲既非允利CAMPSITE住，點知十八歲以下訂唔到，

咁我地唯有簡果啲渡假屋，坦白講我始終有少少擔心安全同乾淨問題……

所以我地就搵到間感覺上唔錯既海濤中介公司，但係電話唔聽。

PHOEBE就突然間話去旺角走一趟，睇下呢間公司係點樣~

結果我`PHOEBE`RITA同ALEX就一鼓作氣咁樣去左信和中心，

問左好幾個租渡假屋既公司，都好難比到咁多間房我地，

結果我地就要發散人周圍問啲同學係長洲住一晚渡假屋有冇問題，

由於大部分既同學都冇問題，我地就係海濤落左三百蚊訂，第二日去交尾數。

雖然呢日最後我地成功BOOK到三間房，但已經消耗我好多精神-____-

回程果陣時，諗番起今日係SARA屋企見到既野，都真係好羨慕，

佢同RICKY又一齊彈四手聯彈；又一齊睇唐老鴨一齊笑，真係好羨慕……

呢晚返到屋企仍然係繼續傾長洲宿營既野，比溫書更加落力咁樣-V-

雖然花左好多時間，總算通知晒所有同學同埋講埋點樣分房。

由於之後果日要去交尾數，但係因為好多人唔得閒，得番RITA同埋我，

我見有個咁既機會，就問埋SARA肯唔肯同我地一齊去，

原本佢都唔又話唔肯同唔知既，但當我問多一次果陣時佢就應奉左，太好！

呢晚由於體力同心理上都處理一個極度差既狀態，好早就比自己休息喇=)

六月廿四日我同平時一樣都係幾早就起身，

正當我地再次傾緊宿營既野果陣時，就收到RICKY媽咪既電話，

佢既重點就係因為安全理由叫我地今日唔好交足個尾數住，

結果我地至次約左係SARA屋企衡量下唔同既情況再作決定。

其實某程度上都好頹，我明白AUNTIE咁樣都係為我地安全著想，

雖然佢今次點都算係潑左啲冷水埋黎，將我地心入面原本團火都整熄晒，

但係我真係從來都冇怨過佢，始終我地都係十四歲，又未試過宿營……

不過有時候我會諗點解成日都會再次遇上唔同既阻滯……挑戰？

呢日同埋AUNTIE傾果陣都學左好多野，真係上左寶貴既一堂，

的確以往每次都冇咩點樣諗到最壞情況，淨係識得諗天氣因素，

又或者成日都係一鼓作氣、一氣呵成咁樣，計劃得快，行動更快，

結果就會發現其實有啲問題未商量好就通知晒啲參與者，呢堆都係要檢討既=)

最後既結論就係改變為「私人名義」搞呢個活動，AUNTIE會同我地留宿，

我地交多五百蚊訂，而星期三前先再凡交尾數，等啲同學交晒錢先做野。

最後我`SARA`RITA`CRYSTAL`RICKY同埋佢媽咪傾到五點鐘，

之後我地幾個就係間房道玩，又睇新白雪公主果啲野，

又係度講笑，實在太開心喇=) 我地個個都好似笑到癲晒咁樣-V-

唔知點解每次見到SARA好開心咁樣笑，我心入面就有股好特別既感覺:$

RICKY同我臨走之前仲夾多次首HUNGARIAN DANCE同TEA FOR TWO，爽！

夜晚同舅父同埋靜姐姐係柴灣食埋自家烏冬先至返屋企，

話說呢晚怒火街頭既大結局對我黎講都有少少感動:P

之後我同舅父又打左陣機，媽咪同爸爸返到屋企之後佢地就開始打牌喇:)