七月四日，隨著廣洲之行既第一個上課日。

朝早班務果陣時，諗番起上次Mr. Cheung每人比左筒糖，

竟然惹起佢下年唔再教既傳聞，真係幾好笑！

點都好啦，佢呢番心意都絕對唔錯唔錯=v=

過左冇幾耐就係HALL道欣賞左個朗讀比賽，

回想起第一個參賽者鞠躬果陣時，個頭撞左落支咪道，笑左XD

至於張家穎就憑住「全速前進」既手勢勇奪……優異獎:) 呵呵！

之後個表演就由我同RICKY個四手聯彈打頭陣，真係好怯場，

正式表演之前我地坐係琴前面係度擺位，愈諗就愈緊張，

搞到我個腦海原本已經SAVED好既NOTES都唔見晒;O

加上呢日朝早我地兩個係禮堂再夾過幾次，效果幾差，

搞到個自信低晒，原本諗左死就一齊死，炒就任由佢炒。

講就係咁瀟灑，做唔做到又變左係另一回事……

正式表演喇，第一首TEA FOR TWO可以話係天衣無縫，

或者係首歌既難度問題同埋上次CULTURAL DAY彈過，今次冇乜難度；

至於我對於首較為快速既HUNGARIAN DANCE就真係冇野好講，

流唔流暢視乎你果刻隻耳仔聽到乜野XD　坦白講，我有兩段係甩晒-_-

其實……我真係好怪責自己係個不在狀態既日子唔攞譜上台，好唔穩陣，

算啦今次唯有用自己既面子去換取一次經驗:(

好似好成功咁微笑鞠躬返到後台之後，成個人頹晒，係極度失望，

雖然RICKY今次演出唔係非常好，但我絕對係完完全全拖累晒佢=(

返到屋企彈多次首歌，完全背得晒，好明顯表演果陣時係發臺瘟……