宜家屋企下面果幾層係咁鑽牆，

其實真係好鬼死嘈，唯有FUNG機抗衡下啦=)

出街又落緊雨，真係冇咩心情，成個人都攰攰地咁……

七月九日對我黎講都係好重要既一日，

就係擔任RECEPTIONIST一職，

招待黎S.1 ORIENTATION既家長同埋學生。

由八點企到九點幾，同個中三既PARTNER都傾左好多野，

每當有家長黎到，我地都係錄音式咁樣講野，

先講早晨，再問座位編排名號，最後仲要帶埋佢地行，

睇落去其實有少少似戲院帶位果啲人(姐係陳老師小時夢想:P)

話說個典禮正式開始左，校長同副校都講左唔同既內容，

不過企係側邊聽既我對於……就真係不予置評-V-

我地間學校係全日制，男女校，要讀到中六。

你地入到我地學校讀係榮幸，要好好慶祝……冇野好講X_X

唔知係咪夜訓同冇食早餐既關係，

企到九點幾果陣時成個人胃痛，想嘔同眼前望既野差唔多全黑，

即刻落左樓下操場坐低休息，順便吹下風扇，呼~

OFF DUTY之後我地成班PEER GUIDERS坐係社工室傾計，

真係好開心，經過三日訓練同今日既機會，大家似乎熟左唔少:)

最初都只係講下鬼故或者靈異野，但氣氛同感覺上愈講愈驚，

所以最後變左傾是非同埋變態格林童話果啲野，呵呵！

同日晏咒就係灣仔掃剩本VOCABULARY BUILDING，唔錯啊-V-

七月十日，去長洲宿營既前夕，期待之餘都擔心天氣。

呢日同兩個表外甥玩啦，臨走果刻個細既唔放手，

係都要我抱到實，真係太搞笑啦，嘻嘻！

呢晚終於係舅父屋企搬左部WII返屋企暫玩:P 太好喇

結果就搞到成一點幾先訓，為零睡眠既長洲之行打開序幕~