話說七月十六日朝早個天氣都好唔穩定，

始終呢日係爸爸既生日，紀念價值亦都較高，

所以我地都照樣係海洋公園渡過左個星期六=)

印象中我上次去果陣時都應該差唔多年幾前喇，

今次進場之後其實個感覺好特別，周圍個環境都好陌生！

夢幻水世界既海洋公園就好似個新既主題樂園咁樣囉*V*

至於個新既水族館比起以前獨孤一味既大水缸好唔同@@

其餘既國寶安安佳佳都係必到既景點啦-______-

話說佢咁岩係度將自己體內多餘既物資同液體釋放出黎:O

之後就搭左架海洋列車，天花板啲動畫真係……好流XD.

去到山上面一心諗住試下個新開既激流啦，點知係極留><

成個「旅程」毫無刺激感，只不過係圍住個圈轉一次-V-

間唔中有果幾滴水同埋架艇係道FING黎FING去，

枉我地仲用左差唔多半個鐘既時間冒雨排隊玩:@

值得提多幾句既莫過於瘋狂過山車同埋越礦飛車:)

前者就係對上果次係媽咪慫恿之下先至夠膽坐落去，

而今次重遊「舊地」就已經好享受吶喊既過程，

每轉個360度既圈就會尖叫幾秒，真係爽啊=)

結果呢就有少少上癮既感覺玩左兩次，呵呵！

至於個越礦飛車都可以話係印象好深刻既機動遊戲。

諗番起四年前我同舅父佢地黎，我發現過左身高限制好開心，

點知架飛車開始左，我就愈坐愈驚，玩完仲頭暈暈，腳震震，

再加上果次係夜晚先至玩，周圍都黑色一片，乜都睇唔到0_0

呢次呢就比媽咪捉住坐車頭-O- 佢仲話只不過係「純料」x_x

咁岩落住毛毛雨，所以架過山車衝緊果陣時啲雨打埋黎好舒服。

越礦飛車其實本身就係以「俯衝下去」成名既，

有時啲急彎係會令到坐係上面既人覺得就黎被飛出街咁樣*_*

其實呢兩個過山車玩多一兩次就唔會再驚囉！

但到宜家我既極限始終挑戰唔到跳樓機……會腦充血死:D

呢日除左食左個主餐之外仲食左啲韓燒魷魚，

前者就有炸魚薯條，肉絲炒麫同埋焗牛脷飯，大件夾抵食:)

話說每次係海洋劇場睇海豚同埋海獅表演都係咁精彩-V-

雖然其中一隻海獅係肥到……但都好醒目！

我更加唔知道究竟啲TRAINER係點樣訓練啲海豚*V*

至於果啲客串做妹既演場觀眾既演技就太差喇-v- 虛偽！

夜晚果個雙龍奇緣既匯演都係一般啦，幾下煙花同啲射燈咁囉lol

不過呢海洋公園個人工湖既夜景真係好靚，

個噴水池啲色簡直……係PERFECT MATCH。

回想起，從來未試過八點鐘仲係海洋公園道周圍走XD.

呢種感覺好特別，係前所未有架哈哈！

坦白講都好想再去多一次，黎緊要玩飽啲過山車去@@