坦白講其實宜家都有少少倦意，

但為左唔想存埋一次過打之外，

仲係因為呢篇聽晚先POST會冇晒意思:O

八月十七日，個醜八怪表弟終於滿月喇=)

呢個月黎都探過佢好多次，當然個身都重左好多，

可能叫做希汛既佢至今飲奶都好快手，

最得意就係佢好似個阿伯咁，好多「電車紋」@@

隻眼成日都睜到好大，特別係啤住啲抱緊佢既人，

隻眼珠好似就黎跌出黎咁，仲試過廿幾秒唔眨眼……

你試下睜大隻眼唔眨可以支持幾耐丫，哈哈！

尋晚果餐滿月酒都有段小插曲，不過唔開心既野唔講喇，

開心既就係啲野食幾好味同埋可以抱住細佬影相-V-

坦白講抱住佢都真係好大壓力，完全唔可以滑手，

最搞笑就係發現抱完佢之後自己兩隻手係彊硬左._.

八月十八日，RICKY`JOJO`SARA同RITA上左黎。

雖然先前搞左一大輪，但最後既活動只有一個-O-

突然之間覺得麻雀既風氣好似好嚴重咁樣-V-

根據呢幾個禮拜既紀錄，似乎每星期都有雀局B-)

哈，理所當然都係玩到癲晒啦，雖然打既速度唔快:P

之後就係JOJO屋企留左好耐，為既都係個BBQ，

最初個個人仲係未回魂咁樣，仍然心繫麻雀，

JOJO仲講左超多句所謂過氣既「押韻無聊句子」，

雖然聽多幾次會厭，但對於笑點低既我最初聽番好正*V

跟住我地七個開始正式進入傾正題既環節喇，

好神奇咁樣個氣氛即刻同頭先嘻嘻哈哈差好遠，

突然覺得大家識得變臉同適應環境既能力太強！

坦白講大家認真咁圍埋傾，比意見個樣同感覺好正:P

係呢四個鐘入面，傾左好多之前忽略左既野，

仲有既就係EVALUATE左原本個PLAN，諗深入左，

但就令到好似臨急抱佛腳咁樣，同傾遊戲真係幾煩@@

即使返到屋企仍然係NON-STOPINGLY咁繼續預備，

不過唔緊要啦，LEARN FROM EXPERIENCES嘛:D

點都好啦，聽日就係見證住我地成功既大日子喇，

希望聽日唔好落雨，大家玩得開開心心我就心滿意足:)