八月十九日，前1A既BBQ派對，

亦都係陳冠達生日，HAPPY BIRTHDAY喇！

呢日朝早起身雖然頭頂有烏雲，但慶幸地冇落雨-V-

神奇地石澳係出行太陽，又熱又焗又曬._.

後黎全世界既人都黎齊喇，即刻飛晒落水玩，

而我……亦都比MICHAEL整濕左嚕，唯有豁出去啦:P

燒野食果陣雖然大家圍埋一齊逼逼地，但感覺好舒服:)

今次我地買既份量都調整左，除左有魚蛋`墨魚丸之外，

仲有芝士腸`獅子狗`魷魚`雞翼`麫包`棉花糖同豬牛雞扒:O

唔知係咪個火太猛既關係，搞到突然燒乜都有啲灰咁……

之後玩遊戲啦，同上年一樣係意料之外-V- 是但啦哈哈！

過左冇耐我浸晒落水，跟住聯同成班人圍住MICHAEL潑水，

一直潑，一直講生日快樂，真係玩到癲晒:D

後黎又租左隻橡皮艇出浮台，今次到我要划艇，

我發現自己隻左手划完係有麻痺既感覺哈哈！

經歷左成半個鐘既「進一步，退三步」終於去到浮台。

最搞笑就成班人係浮台上面果陣時，好似愈浮愈遠咁-V-

臨走果陣時有班外國細路同我地搶架橡皮艇，

仲自稱借黎兜個圈，轉頭會還番比我地，

後黎擾攘左好耐，再反埋架艇嚇佢地先至識得走._.

最有趣就係口角期間，佢地係咁講英文粗口，

有個再用啲唔咸唔淡既口音用中文粗口鬧我地，咩世界？

跟住又有人話WE WILL CALL THE POLICE，

班細路話WHERE HAVE YOU GOT THE PHONE?

JACKY仲要指住個救生員話WE’LL CALL HIM-___-

而佢地仲係度商量策略話要對付MICHAEL囉，笑左XD

幾經辛苦我地終於返到上岸，剩番既人唔多，決定繼續燒野食，

呢次我地係咁燒，啲燒烤叉係串滿晒野食架好爽=)

話說我地成班人一路燒，一路食，一路傾計真係好開心:D

結果我地將95%既野食清晒，都可以話係任務完成丫！

大家之後沖完身換埋衫呢，就離開左石澳喇:)