成個禮拜呢四日基本上都係好似冇教好訓，
每晚都為左唔同既工作搞到十二點幾，
有次仲搞到我第二日果八堂完全冇精神上@@
前日仲個鬧鐘響果陣時發現出面真係好大雨，
果陣時不停係度諗：咦會唔會黑雨唔洗返學？
結果就係自己諗多左，一切都回復正常LOL
至於呢幾日就好多時都係度落雨，冇咩心機咁，
有時又曬到好熱，有時落到痴線，唉><
加上最近呢日個電腦個網絡出現嚴重問題，
最後就連唯一可以用WIFI既手提電腦都冇用，激死！
不過慶幸宜家突然又自動修復上到，真係好神奇:P
呢個禮拜基本上都係冇咩特別，仍然好靜-V-
但當然英文堂偶爾都會有啲笑聲:P
另外果啲就一如以往咁樣，唉真係好慘:S
完全唔知點樣先至會起化學作用，
好懷念以前上咩堂都係好嘈既日子@@
我都相信啲老師情願教啲嘈到癲既學生，
而唔係啲冇咩反應，得佢自己一個人講野咁既班:O
坦白講我都唔係好習慣宜家呢種氣氛……
幅MOTIF既ARTWORK好成功咁樣畫先，
真係覺得個大口仔好得意啊哈哈:D
仲有就係我更加佩服MR.LAU同埋MR.YEUNG，
唔明佢地點樣可以連續不停講兩堂，把口唔洗抖，
最嚴重既莫過於前者把聲…仍然好有催眠作用！
唔知點解，呢年對中史愈黎愈冇興趣囉咩事LOL
唔知會唔會係我本人好容易受到任教果個老師影響啦，
但我真係覺得佢係照住本書黎讀，好有錄音機感覺，
重點唔係呢樣，而係佢又係好情緒化，救命！
明明係件唔嚴重既事，佢都可以指住黎鬧成十分鐘，
仲有就係最初鬧果陣時係鬧錯人，真係好樣衰X_X
講左成大輪，浪費晒啲時間之後竟然話同你講笑姐v_v
好怕同自閉既人坐，但慶幸隔離JOANNA都幾好傾@@
呵呵:D 唔知點解覺得呢個位會好開心咁樣:$
值得一提就係佢之前攞左我本HWB放係櫃筒道參考，
咁岩MISS KWOK經過加上佢眼利，直接收晒我地啲簿……
其實果刻開始有少少驚同埋擔心，從來未試過LOL
同MISS LAU解釋番之後佢建議我地搵番MS. KWOK，
真係真係覺得MS. LAU好好人，完全相信我地@@
一步一驚心咁樣去左搵MS. KWOK解釋番件事，
連話咩「兩本簿既STEPS都唔同」都講埋，
佢就好搞笑咁樣話：你咁講我都唔會唔信你既。
咁又係啊，唔通果陣時我地仲敢大你咩-____-
點知佢又話收左簿就即時交左比個PREFECT……
真係突然之間將我地再次打沉，好驚訓導處接手，
佢講左PREFECT個名我地就再要去搵佢:O
好彩CHRISTINA仲KEEP住我地果兩本簿，
佢仲話睇左啲STEPS都見到有好多都係唔同，
所以呢……感謝同托福喇！冇記名就了結件事。呼~
呢次無疑係好似MS. LAU所講咁得到個教訓啦，哈哈！
岩岩呢兩次去練波果陣時呢多左批新人，
今年既質素明顯係比上屆既好得多哈哈:P
希望黎緊既C-GRADE有一線既曙光啦^0^
話說有次我得閒同最勁果幾個新仔打啦，
佢地果然係唔簡單，絕對唔易解決><
因為有個就係F.4既，追波好鬼死快；
另外果個就係F.1既，跟開啲球會練波:O
仲有件好神奇既事就係最後對打果個F.1仔，
聽到佢個名既第一個感覺就係似曾相識咁，
再將佢個名同佢個樣貌合併之後呢，
發現佢原來係我以前跟另一個教練練波既學生，
果陣時我地兩個成日都對打，世界真係好細lol
宜家既佢當然變左唔少，當然係指打波既實力上啦-V-
如果遲啲可以同佢夾打學界雙打就好喇嘻嘻:)
點樣都好啦，目前首要既就係黎緊星期三個比賽要加油！
|
