事先聲明，以下呢篇野應該差唔多三千字，

請閣下諗清楚係咪要堅持訓練你既眼力喇:P

因為太長喇，無奈地要被逼截成兩篇-V-

因為前日十月十九日除左陸運會`羽毛球學界仲去左哈囉喂:P

其實我宜家好迷網，唔知係邊度開始講起……

話說前日成個人七點起身之後完全冇訓過，

直落下場再下場，同佢地成班玩到三點鐘LOL

呢種感覺真係好得意，從來都未試過咁夜返屋企！

至於宜家我把聲係基本上沙晒，因為前晚係咁叫:O

慶幸尋日十一點幾起身之後啲手手腳腳好正常，

完全搵唔到有殘廢左既跡象，太好嚕嘻嘻！

話說前日陸運會可以話係失意既一年囉哈哈:P

順道一提就係唱校歌果陣時，鄭麒昀佢地唱到好大聲但走晒音，

我地個個真係要忍住笑囉哈哈，因為真係好恐怖:O

跟住MR.WONG話TOPAZ HAS DONE A GOOD JOB-_-

呢日跑100米之前做熱身果陣時其實覺得啲肌肉好硬囉，

無論做幾多熱身運動好似都係無補於事咁樣:P

最慘既仲要呢組除左有阿KING，仲有個來至RUBY既><

話說我呢場跑13”70都係得小組賽既第三名……

真係完全唔知發生咩事囉LOL點解佢地可以咁鬼快:(

雖然呢個時間係目前最快既個人記錄，亦達成前日訂既目標。

但最瘋狂既就係呢個時間只不過係咁多個參賽者入面排十一，

換言之我姐係差三名先至可以晉身決賽，真係好失望:(

至於另一個目標：代表TOPAZ接4x100接力更加無可能，

因為晉身100米決賽果八個有四個都係TOPAZ既……

斷估今年都唔會好似中一果年咁好彩架喇，

仲記得果次係咁岩有個隊員傷左先至係我補上-___-

至於呢日食LUNCH果陣時我地成班人又霸佔左個看檯，

雖然個飯盒真係難食到不堪，所以唯有不停傾計傾飽自己><

之後200米亦都開跑喇，唔知點解臨起跑個心跳得好快，

話說跑外圈既我最初領先緊，但轉完彎又比個RUBY過左:(

佢好似成枝箭咁樣囉lol 根本我再點出力都唔會追得番……

最唔爭氣就係最尾果五十米我兩隻腳係完全冇力，軟晒咁，

所以……又再比另一個留班既EMERALD過埋頭，得第三:(

慶幸呢個時間足以比我勉強係廿五號跑埋個決賽去-__-

不過算啦我只求決賽果陣時我唔跑最尾就已經可以喇^0^

跑完成個人企左係終點線果堆休息緊，比DICK笑我腳軟-3-

呀真係對自己隻腳好失望同有啲嬲:@ 練得咁辛苦得個桔:’(

我真係好羨慕CRYSTAL`JASMINE`PHOEBE`JOJO`RITA，

好似好輕易就可以入到決賽同埋攞獎咁樣:O

我地BOYS GRADE B真係太多競爭lol　真係好悽慘！

所以我立定決心下年我一定一定要屈死啲F.3機:P

唔知點解硬係覺得呢年既陸運會完全冇陸運會氣氛._.

四個社都好似冇咩人願意叫口號咁樣，

啲社長又唔知去晒邊鬼度，明明有人攞獎又唔係叫下@@

真係覺得呢年好靜X_X 所以把聲都仲可以KEEP得好好！

帶住啲怨氣離開左運動場之後就好趕急咁去左西區公園，

呢日就對蘇浙公學，我就同盧諾晞打第二場雙打@@

最初岩岩熱好身打完幾球之後盧諾晞話自己會輸21:5，

點知最後佢將自己個目標愈SET愈高，

姐係原本目標係攞七分，完全目標就再SET高啲，

當佢將個比分拉開果陣時，睇得好清楚對手係洩晒氣咁*V*

結果係同佢所講既完全調番轉，係佢炒人21:8 XD~

之後果場就終於輪到我夾番佢打雙打，

聽完鄺永延同吳卓文既指導之後決定轉攻矮啲果個既後場，

再又係用番果個對心理作用起好大效用既方法激勵自己，

最後原本輸緊12:7既我地追番好多好多，輸21:18！

冇錯呢場我地的確輸左，但係最後真係好盡力，都叫有交代，

我地兩個亦都打得唔錯，同平時練波果陣簡直係兩回事@@

以往我地打完高波唔識左右分開企，今次都好自動咁走，

同埋之前雖然好多時間去WARM-UP投入比賽，但今次唔洗。

仲有如果我地其中一個失左位既第二個即刻去補位……

雖然有時我地啲高波同放網唔穩定，但慶幸只係得幾球:P

最值得慶幸既就係我呢日開短波係好靚，太神奇-V-

點樣都好呢次可以話係我地兩個咁耐以黎發揮得最好既一場:D

至於跟住果兩場單打同雙打分別輸同贏一場……

去到最後張禹打果場單打好不幸咁樣輸19:21，總比賽2:3。

不過唔緊要，希望黎緊星期三對劉永生可以保持同樣水準=)