哼哼我點都要打埋呢篇先至訓架喇^0^

記得上年今日我又打左篇叫END OF 2010-V-

好啦先講番呢幾日既野先啦嘻嘻:)

廿九號果晚有成廿二個人去左中環大喜屋食放題:P

整體黎講都係好食，但始終都係松屋好啲@@

可能係因為松屋啲綠茶雪糕實在太吸引:D

但無疑大喜屋既魚生、牛脷同羊架都好回味*V*

天婦羅蝦啲炸粉亦都炸得好靚哇呵呵XD.

食到十一點幾已經飽晒嚕，係蘭桂坊行左陣，

雖然感覺上真係超熱鬧，但好似嘈左少少囉><

至於呢幾日都叫係幾神心咁樣溫書啦我覺得......

起碼LS溫好晒，冇百分百熟但都有九成架喇；

至於科GEOG呢就差少少咁樣，加油哇哈哈！

其餘果啲唔係最緊急既科目就再擱置多一兩日啦:S

至於二零壹壹年既十二月三十一日除夕既晚上，

應該可以話係我呢年黎最豐富既一個夜晚LOL

先係太古康怡廣場間叫BUONO既餐廳食除夕晚餐，

有魚生飯做前菜；西冷牛扒天婦羅蝦做主菜，

仲有碟忌廉汁雜菌扁意粉同埋芝士蛋糕:O

之後係吉之島買左少少野就返左屋企放低行裝@@

再成家三個人趕住咁出去銅鑼灣時代廣場倒數，

點知人實在太多，根本就逼唔到入去:P

但換黎既就係登龍街見到JOJO`CRYSTAL`RITA

PHOEBE同埋NICOLE佢地五個人，巧遇啊`!!

好開心呢年除夕夜倒數會有爸爸媽咪同成班朋友陪住:)

踏正十二點果刻淨係聽到隔離街既一陣歡呼聲，

同埋睇到啲類似煙花但又好似唔係煙花既野:D

個氣氛都係麻麻地啦^0^但講真氣氛係人造出黎架姐B-)

點樣都好，呢生人第一次係街倒數就係2011年喇:P

散場嚕我就跟番媽咪爸爸行左去電車站，真係好多人:S

估唔到呢晚電車行得咁慢:@不過沿途係街聽到好多人叫：

新年快樂！HAPPY NEW YEAR`!!特別係觀光巴士上既人。

慢慢碌就返到太古，跑左段斜路終於去到UA戲院@@

同佢地兩個跑斜路跑到喘晒氣咁濟真係好有趣哇:$

點知都係趕唔到00:40開場既龍門飛甲，遲左十分鐘:(

所以就搞到好似錯過好多野X_X最初睇啲人物睇到好亂LOL

但係之後開始知道套野個背景係乜野黎架喇哈哈hahahahaha.

呢套明朝古裝劇既3D效果同埋特效真係非常精彩，

但係有幾段內容睇到我覺得好似過左火位咁樣囉:O

嘻嘻其實成套戲都冇冷場，有唔少笑位添囉XD.

仲要係好似由頭打到落尾，睇到隻眼就黎突出黎咁:P

睇完戲散場兩點四十五分><三個人行左去西灣河，

係麥當勞掃左好多好多野食，麥旋風真係好好味^0^

補充講番句呢晚啲雪糕同埋曲奇都係異常既多:)

四點鐘收到JOJO既電話，原來佢係地鐵道@@

結果佢就JOIN埋我地三個一齊搭的士返屋企嚕嘻嘻！

哈哈估唔到我地呢日啲TIMING可以岩到咁樣:O

2011年真係經歷左好多好多野，感覺上好快過:$

長洲`2A SPIRIT`暑假一齊玩`海洋公園哈囉喂`

打邊爐`傾計`打麻雀都係我地成長既見證@@

亦都見證住我地成班朋友之間既友誼一日比一日深厚:$

真係好開心識到你地咁多個人，一齊玩一齊癲，

無時無刻都有你地既陪伴係我既榮幸同福分:D

當然仲有我既爸爸媽媽，多謝您地一直以黎咁鍚我，

即使我亂發脾氣，你地始終都係咁愛我:$

我係呢度衷心同您地每一位講句多謝`!!

希望你地新一年快快樂樂，每日都開開心心咁過:)

HAPPY NEW YEAR TO EVERYONE:P

排名不分先後`爸爸媽咪舅父舅母姨姨，

RICKY`HENRY`ALEX`MATTHEW LEE`RAYMOND`KIT`

MICHAEL`SARA`JASMINE`CRYSTAL`JOJO`PHOEBE`

RITA`NICOLE`KARINA`IRENE`CARMEN`JOANNA`

DAISY`BREAD`MAN`CHI`FION`VICKY`MELODY:)

THANKS FOR GIVING ME A MEMORABLE 2011:D

各位晚安現已六點，無啦啦多日通頂嚕我又哈哈XD.

唔知點解呢晚完全唔覺得攰囉:O冇得睇日出喇哈哈@@