嘻嘻返左黎屋企呢幾個鐘都係HEA到不堪@@

頭先因為要燒啲過往既生活照落隻CD道-V-

跟住又身痕周圍禁睇番我三年前開始寫BLOG既野:P

睇番自己最早期用既文字真係笑到我架架聲XD.

望番以前細細個既樣一直演變真係覺得好神奇:)

好高興以前影左咁多相，未來日子都可以回味下*V*

雖然執相果陣時係好麻煩架喇，不過冇所謂啦！

呢兩個星期都係甚枯燥，除左食飯訓教玩下電腦，

其餘既時間都交托晒我啲TEXTBOOKS道:D

永遠每次有測驗或者評估就會同自己講一樣野，

呢次溫得咁辛苦，晚晚冇兩點都唔肯收手，

跟住第二朝又九點前滾落床繼續搏鬥過X_X

下次呢一定要早啲開始溫書，唔再臨急抱佛腳，

或者每日放學屋企都抽少少時間打NOTES溫習......

但無奈地每次我都係唔會睇番自己既「史書」，

同以前既古人一樣唔識借鑑，結果就差啲累死自己。

持續差唔多個幾禮拜既每晚都係訓得六個鐘，

有時仲要發夢搞到好似個腦冇休息過咁真係好辛苦！

即使有時放完返到屋企都有訓教，但始終效用不大。

另外個樣已經比考試操控晒，暗瘡黑眼圈齊齊黎:O

我呢條橡筋係放假又HEA，全自動咁放到鬆晒；

放完假開學，考試前夕都係不停FIGHTING`不停衝，

所以條橡筋即刻拉到梗晒-V-點解要咁對自己呢哈哈:P

不過算啦我已經講乜野都好，後悔啲乜野都好，

距離考試剩番最後兩日，同埋我肯定自己下次又係咁樣-V-

我所指既咁樣係今日考通識，尋晚先逼通識野入腦，

之後有個短暫既記憶，考完就即刻放落資源回收箱......

好啦考完咁多份卷感覺都冇咩難堪既，不過不失啦，

當然有幾份卷都係做到冇咩信心既，果啲留番派卷再講-V-

但係我想係呢度發表下對普通話同中史呢兩份卷@@

坦白講我黎緊好難再係呢兩科身上搵番些少自信._.

普通話收卷見到周圍既人填既答案都唔同，我睇邊個好-V-

跟住有部分佔廿分既聆聽理解-V-只可以慨嘆妙！

話語內容就好似係度鬥快咁樣，中間無停頓，

我連LOAD都未LOAD到佢地講緊啲咩字，

說好的錄音已經完左，最諷刺就係前面果句句子會重覆兩次，

奈何呢段讀得又快，寫既野又多，就只播一次，事先仲要唔講:D

呢個時候我係咪可以講番句「我真的輸了」(?)　哈哈-V-

結果我聽聽下果段已經趴左係張檯道，冇晒心機，

處於一個半放棄既狀態，反正睇唔明寫唔切@@

停晒手腳既我唉聲嘆氣，周圍既人都係一臉無奈，

再望下台上出卷既佢竟然係到笑緊-V-我無話可說.......

最後我決定唔會漏空任何一格，所以亂寫答案-V-

有啲就上有高堂，下有妻房，呢句笑死左RAYMOND:O

又有咩平平無奇，有啲就寫理解錯誤或者抄番隔離，

好認真咁樣講一句，只求合格，呢廿分我比你:@

中史仍然係無法預計既一科，仲未習慣佢既出卷模式，

因為同以往果兩年都係好唔同，真係好難對付-V-

諗住可以TIP下佢出咩長問答，點知百發百不中！

竟然出埋啲出堂冇咩點講過，完全跟資料就答到既野，

咁請問一句係咪姐係以後唔需要再背書@@

係既都幾好架，食少塊記憶麫包咁樣囉-_____-

但有時真係好失望，唔知自己背到咁辛苦為咩，

個成果同付出又唔係成正比例，唔通呢啲先叫溫書:O

有啲仲問到模稜兩可，都唔知答咩，六分添囉LOL

仲有啲就係佢個SOURCE好難明囉我覺得，

或者可能呢一切都係我個人理解能力出現嚴重問題-V-

好啦只求唔好比上次更低已經心滿意足喇真係V_V

算啦呢兩科都係=V=我寫個服字，拜拜先啦哈！

我相信自己發洩左一大輪應該冇咩事@@

下個星期就考埋BIOLOGY同EPA，

宜家呢就TAKE A BREAK先啦嘻嘻-V-

跟住呢就係專心致致，一心一用咁努力再溫書。

期待黎緊派卷@@因為係時候諗簡科既野嚕嘻嘻^0^

GO FIGHTING`!! TWO MORE DAYS TO GO:)