哈哈大年初一嚕`一月廿三日終於降臨@@

宜家得番十度，真係凍到全身嚴重彊硬化><

先祝各位新年快樂，最重要都係身體健康啦:P

日日都係咁開心咁樣過-V-笑口常開唔少得^0^

當然讀書同返工都要步步高升啦，學業進步`!!

最後希望各位靚仔靚女心想事成、青春常駐:)

趁呢日早左起身又未出街既時候打左篇QOOZA先*U*

一月廿一日`年廿八洗邋遢:D好爽咁訓到十二點幾:P

起左身之後就一直係到執個衣櫃，七國咁亂咁:S

之後就同媽咪爸爸過左旺角果邊買花行街食野LOL

原本真係好想買多對雜色CONVERSE，

但係唔知點解望黎望去都係得黑色啊`白色啊咁><

跟住又想買筆袋銀包，但又係睇極都唔岩咁樣-3-

所以呢三樣東西呢都係要留番下次有機會再睇過@@

其他既收穫仲有兩件衫同埋一隻純白色既手錶嘻嘻-V-

坦白講由細到大通常都係帶LEGO錶多:$

所以宜家覺得自己唔多識帶啲非LEGO錶既錶LOL

至於旺角花墟都幾多人，不過應該冇銅鑼灣咁癲:O

但係某程度上都係比人拖住咁樣行，成日比人踩腳踭...

行左個幾鐘左右，終於買左啲串串金同埋桃花`好靚！

嘻嘻嘻嘻嘻:P 希望真係可以花開富貴啦KEKE:D

呢日行左差唔多六個鐘，開心得黎隻腳好攰:O

好舒服咁係麥當勞食完野就返左屋企嚕:)哈哈*V*

呢晚係屋企又睇左成套功夫，搞到三點先至訓><

尋日朝早起左身就好神奇咁樣睇左陣書啦嘻嘻，

仲有睇左好多多啦A夢既漫畫添啊，真係太精彩B-)

之後呢又係寶貝計劃，呢套同功夫都睇左N次有多，

但到目前為止每次都會好有興趣同埋好好笑嘻嘻:P

晏咒係北角整左少少野就去左銅鑼灣行年宵哈哈:D

印象中好似從來都冇咩點樣係年宵買過野><

返左屋企沖左涼之後呢又去左太古UA睇逆戰，

呢排似乎好似對於呢類子夜場好有興趣咁@@

諗番起上年既年三十晚又係夜媽媽去左睇新少林寺*V*

至於呢套謝霆鋒同周杰倫既逆戰都唔錯啦，

成套戲兩個鐘完全冇冷場，開場打到出字幕哈哈:P

我發現自己睇睇下係緊張到成個膊頭梗晒-V-

睇完再次行番落西灣河食粉當宵夜，哈哈成條街都係人:D

嘻嘻呢日再次有種不能說的喜悅^0^夜街GOGOGO`!!

返到屋企SEND番啲訊息呢就終於可以大教訓喇:)四點耶:)