嘻嘻尋晚半場之後原來先至係成場既焦點黎@@

瑞典唔只追平，仲曾經一度反超英格蘭-V-

果刻其實都好緊張，擔心英格蘭輸會影響出線資格:P

結果英格蘭再憑禾確特既滑翔衝力射球同韋碧克既入球，

在危在旦夕既情況之下反勝三比二勝出，實在太神奇！

呢場入球SHOW真係好精彩囉哈哈，不枉花左咁多精神:)

結果直踩左廿多個鐘既我終於可以好好地咁訓番教B-)

今朝係灣仔申請番新戶照之後就去左同公公佢地飲茶^0^

之後我再有份做正選，坐係麻雀檯足足有四圈啊嘻嘻:P

不過呢次打廣東牌，真係好難食同埋啲牌好爛好核特:D

最大既問題係西圈開牌，最後加加埋埋食得兩鋪咁大把，

但呢次會我係一生人之中第一次食自摸三番同自摸五番*O*

奈何最後為左叫糊而出沖，玩四圈都係輸四蚊姐，抵晒啦:)

好搞笑囉呢日見到澄澄同埋汛汛，家姐都係咁上下啦:D

至於細佬就多左好多聲氣，講埋晒啲BB話真係好得意，

有時仲會講啲咩「得啦得啦」，真係可愛死喇:$

不過呢個爛玩豬呢真係好鬼污糟，幾隻手指一齊放落口食，

跟住啲口水就周圍HIGH咁樣:S但重點係佢好鬼醒XD.

但好古怪地臨食飯之前突然自己個體力急降，眼訓都死，

結果就爬左上床訓左半個鐘，啊啊啊真係好舒服呀嘿嘿:P

講番之前啦五月三十日呢個學年最尾一次中文說話堂啦，

由於果日考小組討論，所以成班同學都係各有各做野咁。

原本我諗住攞黎溫書既，但最後兩堂變左做吹水堂，正！

六月一日就係呢個年度最後一個正常上課天嚕@@

呢日大家叫親老師都好大聲，雖然氣氛依舊寧靜-V-

但係每位老師臨走之前都會贈我地考試TIPS同鼓勵說話:P

MATHS MISS LEE仲話由第一日上堂到最尾一日都係咁靜，

仲話如果下年有機會再教我地既話，冇反應一定罰啊LOL

MISS LAU仲每日請左個「甜筒仔」既朱古力比我地囉:P

以往都係CONE入面有棉花糖，但呢次係士多啤利味朱古力:)

佢個女果然冇介紹錯，呢隻真係好好味啊呵呵呵呵:D

好囉但係我唔明點解冇咩人講多謝X____X真係冇野講:O

有日放學我地成班仲同MISS LAU影張左班相，真係好令囉:$

成班啲檯檯櫈櫈全部拍埋一齊，個感覺好特別啊嘻嘻:P

尋日EPA考完試之後呢就好驚險咁樣對左三科考試卷喇:O

好似從來都冇試過咁趕咁-___-三科整體黎講叫有進步X_X

GEOGRAPHY都係預期範圍之內啦，但明顯都係溫書唔夠熟:S

特別係有部分內容冇背到同睇題目唔小心，冇左好多分:(

CHEMISTRY出到咁淺都得九成多少少，名次唔知會幾後呢(?)

不過點都好啦-_____-點樣睇都叫好過上次個分好多倍:O

至於英文呢就真係比WRITING同埋LISTENING拖跨X__X

即使自己READING卷做得有幾好都冇用，都係輸都係追唔番:(

LISTENING仲要樣衰到有個SESSION錯過晒啲內容，

結果果部分炒左，真係十世都未試過自己失魂失到咁>__<

WRITING雖然文法冇咩野，但佢唔中意就唔中意-__-算囉咁-3-

既然有進步就算啦，反正測驗完左都預左今年冇咩機會蟬聯:S

我終於明白到咩叫「創業難，守業更難」喇:O唉:'(來年繼續`!!

放左學HENRY同ALEX黎左我屋企:P但ALEX打足三個鐘機T_T

好囉ALEX真係毒到冇停過咁打，有時仲會HIGH到彈左起身-V-

之後我地係筲箕灣間隨你鍾意會合埋RICKY去買壽司@@

最後先至成排人衝左去JOJO屋企果度開餐同埋喪玩XD.

結果呢日JOJO屋企逼爆左啦，有RITA`HENRY`RICKY`

ALEX`SARA`CRYSTAL同埋BREAD添囉:P真係好熱鬧啊^0^

HENRY仲好手痕咁打牌啦，結果我地輪住打，照舊出沖就換人:P

呢晚RITA仲親自下廚整左個叫芝士加福麫-V-其實都幾好味囉:)

我地仲圍埋一齊傾簡科-__-考完試都傾咁SERIOUS既話題:O

唉其實我都唔清楚自己想點:S但係佢地都好似有晒心水咁+_+

跟住仲玩左陣七級豬添囉哈哈，真係好搞笑好好玩囉@@

RITA比我地屈到輸左-V-RICKY好成功地被FAKE haha;p

考完試放鬆下自己，同佢地成班一齊癲真係好開心既一件事XD.

大家都嘻嘻哈哈咁笑-V-乜都可以傾餐死實在太好喇^0^