尋晚去左皇室堡飲啦，不過要幫手做接待X_X

其實呢晚都好開心啦都影左好幾張相@@

澄澄同埋汛汛兩隻小魔怪都好聽話XD.

起碼感覺上冇之前怕羞得咁緊要先啦嘿嘿-V-

話說RICKY打黎話佢最終都係選擇簡M2，

我果刻真係呆左係度，食龍肉都冇咩味啦LOL

返到屋企又睇學生名單有咩人淨讀CORE...

之後又心卦卦咁樣睇下M2既課程係點樣:S

果刻我好猶豫好唔好跟RICKY佢地幾個人:O

最後就好癲咁樣搞到四點鐘，奈何仲係未有決定:P

訓得三個鐘其實今朝要起身果刻真係好鬼辛苦架囉:(

之後又臨急臨忙咁搵左BREAD係太古食野問意見，

再叫埋TIMOTHY攞本M2書比我參詳下啦@@

結果BREAD仍然堅持叫我唔好搞咁多野-V-

再次提出我一直煩緊既問題...課程定係同學(?)

返緊學校，入到班房，MS LAU話要收張FORM，

我呢個人仲左諗右諗咁，根本唔知道自己想點樣-V-

我其實真係知道自己好煩，呢樣都唔知轉左幾多次:P

最後X___X我係求MS LAU比我放學先交表格LOL

跟住個SEX EDUCATION WORKSHOP都真係...

個人覺得幾悶...RICKY同RAYMOND訓著左添-___-

完左個工作坊劉老師繼續同我一齊衡量點簡啦A_A

佢講左樣野其實我覺得都幾值得我去接受呢項挑戰:O

理所當然原本同JASMINE佢地由唔熟變到熟，

三年黎都擔當住一個幫手令班上既同學更團結既角色，

固然「孕育」完就唔想分開架啦，呢個都係人之常情-V-

但係重新令一班人更加團結唔係一件咁具挑戰性既事咩？

佢都講到有關CLASS CONCERT同ART EXHIBITION:P

有時候即使某啲同學平時係幾唔做野都好啦，

每當有呢啲大EVENT既話都會同心協力為班出力，

既然咁樣都可以令班更團結，點解唔試下一個新既環境？

去番大前題，讀完冇咩特別大效用，我既情況又唔太需要，

下年學會工作又多左，自己有冇咁多時間放落M2道(?)

加上身邊都好多同學唔簡，所以我最後正式宣佈X___X

我本人決定正式放棄唔簡，交完張表格成個人都鬆晒！

事後打探原來好多人同我簡果三科ELECTIVES都一樣，

希望可以同PHOEBE`BREAD`CHI`JANET佢地同班啦:)

但講到分班就點都要等到八月尾...心急都冇用啦LOL

同學、任教老師全部都唔會控制到既，聽天由命吧啦-V-

成班人企起走廊傾左輪之後就同PHOEBE去搵MS.LEE:P

嘿嘿佢隻腳終於冇事喇，佢仲自稱跑得走得添囉XD.

更高興既就係佢應承黎我地十六號個GATHERING啊^0^

咁樣就令到成件事都完美好多喇嘿嘿，真係好期待！

佢仲慣性機關槍式咁講晒醫生叫好戒口唔食得邊啲野>_<

晏啲再返左學校上個PG TRAINING COURSE@@

雖然內容同上年基本上係一樣，但當比自己溫故知新XD.

作為一個舊既PG唔係太記得上年學既野其實都幾慚愧:O

都係破冰遊戲`學長既特質`領遊戲既技巧咁樣:D

不過呢日TRAINING同上年好唔同，指既係個感覺-V-

記得上年我仲係比人帶住咁，咩都唔識又唔點講野:P

今年變到好似調番轉咁，好得意:P黎緊既日子繼續努力啦！

返到屋企就繼續搞埋聽日要帶果個遊戲既野啦XD-V-

個對象係六十五歲以上既長者X__X諗遊戲都諗死:P

好彩呢次都係同班夾開既人一組...冇咩問題啦嘿嘿^0^

明明個人係攰到就黎癲...幾個鐘未食飯前已經好眼訓-V-

但係唔知點解打QOOZA好似有種提神既作用咁嘿嘿XD.

好啦...繼續開梳化床訓啦:P 間房仲係未執好囉haha.