唔知點解宜家隻右手好似麻痺晒咁樣囉X___X

話說果日箍完牙之後都去左佩個新既眼鏡框嘿嘿XD.

因為宜家呢個金屬框真係幾易甩色，膠框應該好好多:)

今朝打波果陣時終於打斷左塊球板條線，我忍左好耐:S

因為未斷前我每打完一球，啲線就會移晒位囉-___-

呢日都練左好耐推波`高波同吊網，我一定要裝備好自己:D

之後打左三場單打都幾順利咁樣撃倒對手，實在太開心啦。

同HENRY夾左場雙打啦，始終唔夠同盧諾晞既默契咁多...

呵不過如果下年B-GRADE真係出我地既就要認真訓練下:D

另外發現同RONNIE夾都幾癲，一高一矮可以做我屏障:P

嘿嘿我仲連續狠殺左三球波，每球都係直線斜落，爽到呢:$

呢排個個都好似好迷奧運咁，個個冇兩點幾都唔訓咁-V-

至於我今晚開始都有睇過啲直播既賽事啦，中國好強B-)

記住上次2008京奧都係由朝到晚都全天侯咁睇住@@

話說今晚《怒火街頭續集》終於播喇，都幾期待架之前:$

哈哈真係好好笑，LAW霸個形象真係冇得頂囉haha.

至於宜家我都幾習慣帶住個牙箍，仍然搵緊食野既感覺:)

但真係好慶幸唔會有啲咩奇怪既徵狀或者感覺好唔舒服XD.

尋日呢其實真係太陽光普照喇哈哈，曬到就黎溶晒:O

朝早同左姑媽佢地飲茶，呢日仲見到個侄女巧蕘XD.

呢個出左世差唔多兩個月既妹妹...好似MONCHICHI-V-

頭髮太濃密...眼好細:S 大個啲一定要令啲啊hahaha.

之後同婆婆舅父佢地十六個人去左東龍島果道周圍走:P

呢日仲係我呢生人之中第一次嘗試釣魚排既養魚:D

唔洗問啦，呢啲咁既新手又點會有收穫呢，係咪咁話(?)

晏咒果陣時仲大熱天時咁樣行左陣山，啲汗係咁流X__X

我都好難想像果陣時個UV RADIATION究竟係幾多:O

不過有時行到去啲樹蔭位呢就會好多涼風吹黎，舒服`!!

夜晚我地成班人坐係魚排果道食野，啲海鮮好好味^0^

特別係果兩條魚`龍蝦`鮑魚同埋雞啊，太回味無窮喇:$

果度睇日落仲好令添啊，嘿嘿所以我都影左好多相A__A

唔知點解一邊個天係係紅色，一邊係好多層色架囉@@

搭番船去西灣河果陣時，企係船頭吹住海風，望住四周，

見到維多利亞港沿岸大廈既燈倒影落水真係好正啊:)

天上面仲有一架架飛機連住咁，最令既都係好多星星:D

之後仲去左甜嫂食甜品，椰果蘆薈西米露加芝麻珠都不錯:)

嘿嘿但普遍黎講啲甜品太淡喇，所以都係聰嫂好食啲嘿嘿:P

哇哈哈呢篇好短啊，打住咁多先啦，晚安嚕拜拜hahahaha.