開左學之後變番一星期一篇QOOZA都還好丫:D

呢個星期打破記錄連續五日都係訓少於五個鐘><

好多時其實隻眼宜家乾晒好澀但訓不得真係好慘:(

唔知點解永遠都唔會做完咁樣，清完聽日又有新...

所以都係抱住「今天的事今天做」呢個宗旨啦XD.

尋日朝早又同JASMINE`VANESSA`RICKY打波:)

好似好耐冇試過咁早起身走去打波喇，真係好爽囉`!!

嘿但係呢日最後執執下雞就打左總共兩個半鐘囉A__A

打打下雙打就變左單挑咁樣其實都幾辛苦囉真係X___X

唉`!! 返到屋企面對住果堆野真係咩野動力都嚇走晒V__V

好艱難先至做晒首要既東西，騰空番果一個鐘訓晏教-V-

原來去石澳姑媽屋企燒野食件事已經係七日前既事-V-

話說呢日沙灘好鬼大浪，記得以前細個差啲浸親X___X

跟住呢晚食左都幾多野，啲汽水就一次過買左幾十罐*V*

丸同雞翼果啲唔再講，最正就係啲燒牛肉、羊架同雜菜包:P

加埋果啲燒既蜆同蕃薯，真係諗起都回味無窮喇hahaha.

坐係姑媽屋企個花園到真係好舒服，雖然呢晚個天冇咩星星，

但係坐係張放左蠟燭既檯到食野，加埋少少風真係好鬼正@@

夜晚走果陣時上左架得幾個人既九號巴士，個感覺好亡命><

好難想像由石澳返到屋企只需十五分鐘既時間，癲左LOL

至於今日朝早就去左睇戲啦，媽咪想睇《消失的子彈》@@

謝霆峰同劉青雲主演既動作片:D 整體黎講都不錯啦^0^

有幾個場景我發覺好似同明珠台套FRINGE咁樣囉-W-

個劇情其實都幾得意，未到最後一刻都唔知邊個係主腦><

點都好啦，不枉比錢入場睇呢套戲啲幾精彩既場面B-)

之後係意蠔屋果度食午餐，啲蠔同埋意大利飯都好好味:)

呢兩日既假期都叫幾充實啦，休養生息之餘都繼續做正經野:)

唉但係假期過得太快喇，跟住又要連續踩五日既非人生活><

認真放多一兩日假得唔得，真係好想再比自己再休息下囉-W-

好囉宜家屋企又係得番我一個人，又要自己動手煮麫食:$