好爽啊今日點幾先至起身，還晒呢星期唔夠訓既鐘數XD.

但同樣呢就搞到我好似宜家咁樣-V- 真係唔洗訓嚕唉@@

話說今日幼稚園五十周年校慶，所以成家返左去睇下:D

其實除左翻新之外都冇咩特別大變啦，但個感覺好唔同*V*

以前係天台個遊樂場玩果陣時覺得果度好大而自己好渺小><

今日重遊舊地真係好特別囉，原來我大個左十年架喇:O

雖然有啲昔日教過我既老師都冇做，但仍然有幾個好深刻:)

唔知點解個個老師只係認得媽咪，最多都只會認得我輪廓:S

但講番自己個名之後，個個都點晒頭咁樣，太有印象喇:$

嘿細個真係好犀利架，試過金句朗誦冠軍，交通安全隊隊長，

有時都有份係啲活動表演架-V- 其實以前真係有好多美好回憶:)

見到啲較為相熟既老師傾左陣計，就去左太古行街街嚕haha.

夜晚仲係元氣掃左好多野食添，芝士蛋糕真係真係好味到喊:P

話說尋日偷偷地跟MRS.LAM補多堂ECON又去左練跑嚕-V-

雖然佢補課講既野未必完全明或者即時可以CATCH UP到啦，

但起碼我對佢所講既難明CONCEPT會有個初步既印象先嘛:)

不過MRS.LAM話佢黎緊要請一個月假，做完手術要休養:O

其實對我地黎講都幾大考驗@@ 唔知點解好似會冇左個靈魂咁:$

不過我地一定會做好自己，唔會要佢為我地擔心既hahaha.

至於CONCERT亦都會搞得好好睇睇，有時間就報告比佢知:)

尋日晏咒啲F.5仲搵左我地拍段片，講左啲祝福既說話啦^0^

希望MRS.LAM真係會收到晒同埋可以早日康復返黎搵我地:D

我地仲準備左啲心意卡同埋一啲驚喜聽日一次過比晒佢啊(Y)

至於尋日練跑CKP因為唔舒服所以呢放左我地三個飛機嚕-W-

可能我本身訓得四個鐘啦，加入有段時間真係跑得好盡咁，

搞到呢個人啲血好似唔係幾上到腦咁樣，耳嗚加不太舒服-O-"

至於速度呢冇咩點樣計啦，不過100米都係維持十三秒幾-V-

我其實都驚驚地200米囉，永遠都係最後廿米就冇咩氣咁，

不過尋晚可能幾大風啦，跑彎位果陣時都幾爽同跑得幾順風:D

嘿嘿出左成身汗都幾舒服，希望到時呢兩個項目都可以加油，

目前只係希望全部EVENTS去到決賽，到時再練多幾次^0^

跑完都係幾個坐係海邊吹風同埋食野啦，但始終冇上次咁癲:$

題外話岩岩又換左新一套牙箍，真係有啲頂唔順既感覺haha.

拜託酸一日好喇啲牙如果唔係真係比龍肉我食都冇味囉+__+

聽日又要打學界喇，希望可以發揮上次對慈幼既水準啦B-)

只要我地呢仗贏埋CANADIAN既話出線機會就會大左喇`!!

黎緊兩日學界同陸運會呢啲野都排住輪，一定要衝埋去:D