岩岩尋晚又換左副牙箍啦，搞到宜家講野有啲痴脷筋:O

每次換完之後果幾日真係幾痛苦-__- 個口唔屬於我-W-

嘿今日溫書做功課之餘，仲抽到時間打左陣機LOL

話說今日仲自己炒飯食，突然之間覺得自己好犀利:$

平安夜同聖誕節果兩日過左之後個假期變得平平無奇...

每日都係留係屋企同堆課業同教科書共度聖誕，唉>_<

平安夜晏咒就同JASMINE`FWI好開心咁樣度過XD.

好囉三個去飲茶其實都唔係咁公公婆婆FEEL姐-__-

嘿不過三個人食左十個點心每人五十蚊都過得去啦:D

係稻香飲完茶仲係杏花新城搵左好多佈景影相添囉LOL

雖然合照真係唔錯既:P 但搞到我地好似傻瓜咁樣@@

之後仲係海旁傾左兩個幾鐘計:O 個身愈坐愈凍>_<

唔知點解是非鬼故笑料既事永遠都係數之不盡既*V*

原來有時候普普通通咁見下面傾計食野都可以好滿足:)

夜晚呢就真真正正同媽咪爸爸係屋企食聖誕大餐啦:$

沙律、多士、蘑菇湯、羊架、牛扒同蛋糕又點少得XD.

我都知得一想二唔係咁好架喇，但如果可以食埋放題就正`!!

諗番起上年平安夜其實真係覺得自己-___- 幾白痴囉好冇:O

為左啲小事而冷戰左差唔多成個星期，哼為咩呢X___X

至於廿五號夜晚就去左婆婆屋企開PARTY咁啦:$

氣氛都幾好丫，又會播下啲聖誕歌同戴聖誕帽XD.

成個屋企人圍住張檯食野，同阿B玩之餘又會打機，

突然之間間屋就會變得好熱鬧^0^ 不錯的一個晚上:D

呢年既十二月雖然忙到甩碌，但仍然有啲時間寫聖誕卡:P

當然啦-3- 張卡既大小會根據時間關係有所調節haha.

好囉因為開始放假先開始寫第一張卡，所以仲要自己去派...

其實都幾好玩既，但原來做郵差既感覺...認真大壓力@@

因為每次將張卡放落信箱就會有個錯覺我係咪入錯左ORZ

事實證明我呢隻大頭蝦-___- 往往係好受呢啲情緒影響左:O

詳細內容不詳:$ 但事實證明左我係絕對唔適合做信差-__-

好嚕話說尋晚又係一如以往咁樣拖到成三點先至訓，

但今朝起身就收到個好WARM既MESSAGE-V-

所以今晚嘗試改變下自己成鬼日都咁夜訓既習慣啦:D

況且聽日同爸爸媽咪去海洋公園，都好應該叉飽電去玩:D