話咁快就黎到農曆新年假既最後一日啦-V-

話說尋晚好夜訓之餘今朝九點鐘就起左身啦^0^

好有興緻咁樣搵左個蛋糕仔同沖左杯熱朱古力提下神...

因為訓醒果刻真係不停打喊爐同埋好似未回魂咁囉@@

之後就一氣呵成咁清左英文份PROJECT嚕嘿嘿*V*

估唔到純粹介紹希臘呢個地方要花咁多心機落去X__X

或者係因為自己追求完美，所以要好上心咁應付XD.

不過見到個POWERPOINT成功面世真係好開心啊:D

唉`!! 岩岩果個星期四晚我又係到鬧情緒喇:(

好多時就係因為有幾樣同時發生，而又係煩惱既，

同埋未必合自己既心意，所以就會忍唔到要搵人發洩...

永遠講晒出黎唔再屈住都係最舒服，訓醒一教冇事啦嘿:D

經過上星期五BBQ，我發現自己事前諗得太多喇X__X

其實凡事總有第一次既，原來同呢班人去都幾開心囉^0^

去到石澳都係靠HENRY一手一腳咁樣透爐啦嘿嘿:D

我地十二個真係純粹坐係側邊攞住燒烤叉咁樣靜心等待XD.

不過呢日全程望住佢起爐唔多唔少都有少少記憶同認識既*V*

題外話果度有間士多啲汽水最平可以係三蚊罐囉，真係好抵:)

之後都離不開係咁燒野食啦，但其實同時都係灸燒緊自己/_\

原本見個天有啲陰就冇租太陽傘，點知呢次就真係大鑊喇@@

但我真係好羨慕點解CK唔搽防曬啲膚色都可以白成咁:O

事後感覺到成塊面發熱，返到屋企隻手臂、頸同臉都紅晒！

係啦有時用鍚紙包住啲菇同粟米咁燒呢好易燒燶左囉-3-

重點係佢地有班人掛住玩-V- 黎黎去去都係得我地幾個燒-W-

所以個結果就係食剩唔少野，跟住鄭心怡全部搬晒返屋企*O*

有段時間同HENRY`RONNIE傾計，都幾多笑點丫@@

雖然都係啲無聊野或者是非，但講多左都幾興奮囉LOL

嘿呢日同HENRY都幾GAY，用埋同一支叉食野不特止，

仲兩個人攞住個排球去左海邊玩同浸左陣水啦，超冰涼`!!

唔係講笑呢日最高氣溫明明寫住廿四度架之嘛-V-

但係晏咒果陣時似係三十幾度囉，個天又係萬里無雲>_<

跟住隻腳一浸到落啲水道即刻起晒雞皮咁樣，透心涼:O

晏啲去左探三姑媽，反正佢住石澳我都係順便姐haha.

佢屋企隻拉布拉多見到我就係LAM到我濕鬼晒LOL

永遠都係鬧過先識驚既啲狗，唔見藤條唔流眼淚-V-

之後又請我食糖食梨同傾左陣計，滿載而歸返番沙灘:P

會合番佢地已經成班人圍住個爐咁坐係度講緊恐怖片...

唔知點解會由輕鬆既心情變到講咩《恐怖蠟像館》:O

嘿我都係聽耐左先醒起原來自己唔知幾年前先睇過LOL

坦白講我覺得血腥片同鬼片相比起黎其實都差好遠-___-

跟住成班人講講下變左係鬼故，明明係新年流流講呢:S

好啦結果我都講埋一份，真係講到有少少打冷震囉好冇-V-

輪到YOYO講佢岩岩出世既經歷真係聽到心都寒埋囉+__+

姐係佢講緊果陣時永遠自己都會想像下個情景，好得人驚`!!

傾左成個鐘終於走嚕，話說我突然從後嚇JAS同YOYO...

結果即時彈開同尖叫，惹黎全部人既目光:O 一個字...笑LOL

成班人又要驚但又要聽，聽完又要搵人保護左，人性既表現-V-

最後就連等車或者上車都要不停搵話題緩和下啲氣氛添囉@@

哈哈，不打不相識，希望成班隊友傾多左玩多左可以熟絡啲啦:)

今日終於拆左利是封啦，呢年既收穫比上年多少少啦:D

其實每年我都會將部分錢留住，其他先至放落銀行到既-V-

跟住今年決定將當中既四成放係櫃筒陪我嚕haha.

好啦差唔多時候要養足精神，回復啲咁TOUGH既生活喇！

如果你話學校比我地放多三日假既話呢個世界就美好得多啦:D