三月往往都係最忙既日子X___X 太多死線:O

但黎緊星期五要交既廣播劇錄音都進展順利，

話說目前只係差三幕同啲MINOR野-V- 犀利(Y)

星期六同RICKY個校際四手聯彈都開始練啦^0^

慶幸首歌啲節奏唔算難，夾齊啲就可以去馬啦嘿嘿:D

不過呢個星期上堂都幾辛苦，好多時都冇精神囉-W-

CHEM同BIO都係處於神遊狀態，個魂熟睡中-__-

連ALEX都話我上BIO眼神好呆滯，野又唔抄haha.

當我有番知覺係完全唔知MS.NGAN有講過呢幾頁ORZ...

最神奇既竟然CHEM堂睇佢做DEMO都差啲訓著X__X

我真係唔想咁架@@ 成日都睡魔突襲，隻眼就合埋左>_<

其實講到三科ELECTIVES我真係有少少擔心囉@@

下個星期又話有QUIZ，但呢排溫書既時間相對好少，

更加重要既係ECON同CHEM啲CONCEPT愈黎愈難，

好多時上堂聽唔明，要花唔少額外時間先至追得番啲啲...

跟住BIO就純粹成本書食左去X___X 但何來記憶麵包？

不過英文同埋LS堂充實左好多囉@@ 至少真係會講書-V-

期待左成個學期MALA終於肯同我地一齊睇課文內容喇，

唔再係叫我地做再純粹對答案就話教完呢課._. 太好喇`!!

更加出乎意料既係佢竟然同我地講話要默書囉hahaha.

就連LS堂個感覺都唔同左添囉，或者係大家心態都變左，

尋日收到份ASSIGNMENT有種說不出的滿足囉LOL

雖然唔算高分，但滿足既係因為佢信守承諾十日改起^0^

話說MR.LI仲自己出錢幫我地訂通SIX...或者想補償(?)

但正如PHOEBE咁講，我地要答謝就應該比多啲反應佢`!!

呢個星期終於調位啦，原本個位坐左半年都開始想轉下:P

最後自己簡左同一排既座位，唯一唔同既就係去左門果邊:)

我地班已經少男仔，最重要既係呢兩行仲要得我一個-___-

身邊都有MANKO`JANET`LYDIA` RITA同INGA:D

呢個位其實唔錯，要聽書可以聽書，要做功課可以做功課:O

岩岩果個星期二可能因為太耐冇打波，好快散架囉haha.

步法、練殺波、跳一百雙飛、五十掌上壓、幾打多球XD.

最重要就係連續打左四、五場單打，真係就黎脫水-V-

之後唯帝話我贏得咁開心，要黎挫下我銳氣添囉LOL

好啦預左輸所以可以放開打，都係輸15:7唔係好衰姐:$

真係好享受同個技術比自己更勝一籌既對手切磋，爽死！

跟住星期三臨時拉夫鍾太叫我學完琴去杏花村同老師打:$

雖然係雙打.3. 但成個鐘冇停過幾吃力之餘仲好開心囉-V-

有時候可以重板殺波，但殺到老師既話就係要跪地求饒:O

或者失波都SORRY下啦:$ 只不過孔老師叫我唔洗咁講喇...

不過校長同ECON MRS.LAM老公都好犀利，落點好令@@

有機會真係要多多學習同請教，期待月尾既師生羽毛球賽B-)

呢兩個星期既心情基本上持續低落，我都好想知點解X___X

星期四返學聽左個好悶既看守攤位遊位BRIEFING-W-

我淨係知道自己一路聽，一路係度問究竟仲有幾耐先完@@

離開學校果陣時成個人頹晒，完全提不起勁咁...唔夠訓？

一個人漫無目的咁行，本來諗住吹下風會令自己輕鬆啲-__-

點知行到去東大街買埋雞蛋仔食依然係咁既死樣囉.3.

返到屋企沖涼做左陣功課揭開數學書諗住計下數啦，

點知全部都唔識計，一怒之下就發自己脾氣爬左上床訓教...

就連所有WTSAPP既訊息都係望完就算，完全唔想覆-W-

結果就好創舉咁訓左十二個鐘，第二朝返學先捨得起身@@

不過都係好事黎既，果晚既心情根本就咩都唔會有好結果，

咁既衰野對住爸爸媽咪又唔好，訓教絕對係最好既辦法-V-

成晚樂得清靜，係偶爾醒左陣聽到啲人聲，跟住又好快訓番:$

如果每個星期都有日可以比我咁放肆就好啦，係咪咁話XD.

至少我之後果日上堂係前所未有咁精神，訓教真係好幸福:)