明明隻眼已經澀喇，但啟動左假期模式完全唔想訓...

原本諗住聽朝走英數四堂既，但太有罪惡感喇haha.

媽咪今日仲笑笑口咁同我講你要射波我咪幫你寫手冊囉@@

況且聽日返左學會返小學一趟，跟住再去會下班老師打波:)

今晚就參加左爸爸同成班中學同學既GATHERING@@

十幾個朋友攜眷、再連埋當年既阿SIR逼爆一間屋haha.

雖然好多都係第一次見，或者細個見過都唔記得左喇-W-

但係每個都好NICE:P 好易相處:) 我都有啲樂在其中*V*

每人都買左或者DIY左唔同既野食帶黎同成班人分享，

有烤腸、牛腩、豬耳、沙律、千層糕、壽司、雞、鴨、

魚生、楊枝甘露、鮑片、鵝片、炒素翅等各款小菜LOL

其實好多味道都不錯，但份量太多結果好多碟都要打包走.3.

跟住有個UNCLE仲同我講左好多學術性既野添囉haha.

嘻嘻其實都有少少悶蛋@@ 不過對於基因呢樣野大開眼界左:)

臨走之前仲影左幾張大合照，都幾有大家庭既感覺囉:$

望住成班大人圍埋一齊嘻嘻哈哈，唔知我地大個係咪咁？

每次聚會都搵番一樣既共同回憶出黎講，想當年點點點...

岩岩果個星期五夜晚應該都可以叫做四喜臨門既:P

侄仔百日宴、姨媽結婚三十周年、婆婆舅父生日*V*

呢晚就係天后間酒樓擺左幾圍，真係好熱鬧啊^O^

以前澄澄見到陌生人大喊既問題大個左之後都冇喇:)

嘿唔會再面阻阻實在太好，我們成個家庭仲影左好多相:)

不過汛汛依然係咁餵食，食崩山咁，被稱之為黑洞@@

坐佢對面望到佢捉住媽咪隻手比野佢食真係好鬼得意:P

三月十六日，原本諗住早啲返學校聽MRS.LAM補課既-W-

點知前晚為左搞CONCERT既野搞夜左，起唔到身XD.

其實呢日就係為一班弱智人仕係西營盤前高街鬼屋表演音樂:)

我地以十二月個CONCERT做根據，再調整過啲節目^0^

出發前我地綵排左次比MS.CHUI聽啦，嘿當然有少少亂-W-

特別係男仔果首「愛多八十年」，啲音準比人笑到傻haha.

最後成班好合作咁唱埋生日歌比MS.CHUI聽B-) 開心死佢-V-

岩岩到達西營盤其實幾緊張，始終唔知啲觀眾個狀態點樣...

加上無線咪、電腦、音樂播放器同喇叭全部都有啲問題XOX

唯有即時應變將某啲PROGRAMME既次序調動下啦-V-

遺憾既係我地四手聯彈個表演再次係錄到一小部分炸-___-

加埋上次校內CONCERT果段都冇半首歌，咩料啊ORZ...

慶幸GOOD TIME`千與千尋`愛多八十年都過得去啦:D

同樣有相有錄影，所以呢啲PROGRAMME就唔詳細提-W-

但係我想提下音樂傳球呢個環節，專為服務對象而設既:O

嘿我地最初以為觀眾係嚴重智障既小朋友黎架啦haha.

點知只係班年長少少，但可能生理或行動上有問題既人仕:)

不過唔緊要啦:$ 呢個環節當係過門，比佢地伸展下嘛@@

同時呢個位亦係我地大部分同學落台同觀眾接觸既時候:P

自問面對呢班觀眾都冇荒失失奇兵咁-V- 但有樣野幾得意係...

實際情況同我想像中既情況明顯係理想得多啦係咪先(?)

好囉但自己就永遠都比個思維嚇怕，咁樣唔多妥當啵-W-

而我從後台出黎只係見到細CHEM CHAN身處觀眾席中，

一隻手扶住個不停Ｒ痕既人，另一隻手就拍住另一個既膊頭，

完全冇介意過啲咩就毫無距離同佢地相處溝通，鼓勵佢地:O

我有刻個腦真係空白一片，我只係好敬佩MR.CHAN囉`!!

其實呢次場面都算易控制，只係一兩個會突然叫出黎咁姐:P

但有個好搞笑既婆婆就係見到我地跳舞佢都會旭埋一份囉-V-

呢次額外新增既節目係「我要向高山舉目」同「生命有價」:)

至於我既職責係伴奏啦@@ 其實呢兩首歌真係太有渲染力:D

老實講係屋企練、甚至係台上表演都好鍾意聽到呢兩首歌，

個旋律比人個感覺實在太輕鬆同埋成件事就係太歡悅喇XD.

所以有時彈彈下都會發現自己好似愈黎愈HIGH咁囉>_<

大合唱果陣時我地成班發揮番上次CONCERT應有既水準，

將最好既一面呈現比觀眾睇，仲跟MS.CHUI話唱高個八度:$

結果個效果好正之餘，個負責人仲點晒頭好滿意我地既表現咁:P

最重要既係我地投入跳住黎唱既同時，啲觀眾既氣氛都好高漲:$

有啲仲會主動起身一齊做動作，果刻我真係由心底笑出黎:D

相信呢種就係做義工服務最要求既果一顆最真誠既心囉<3

又一個見證大家成長既經歷係一幅大合照既映襯下結束喇:)

我相信呢個SHOW某程度上比校內果個更精彩、更完美:)

當中表演既質素提升左，但更重要既係大家點對待呢次機會:)

正如MRS.LAM事前都叮囑我地要做得好好睇睇啦，

我地唔只係代表自己班，而係代表我地成間學校出去嘛@@

就算果班觀眾係嚴重智障、識唔識欣賞音樂我地都要尊重，

佢仲講左句話：你地有冇攞個心出黎表演佢地係有眼見架。

回程途中MS.CHUI再次高度表揚我地所付出既努力XD.

佢好感恩咁講「我地帶左個好有意義好開心既生日比佢」:)

仲話唔知佢本人，仲睇得出在場每個人都好享受個表演:D

話說佢仲特登打比MRS.LAM分享佢既喜悅啦，估唔到......

總之就係好事傳千里啦XD. 期待下次仲有類似既機會*V*

返到學校練左陣琴先再返屋企，短短半個鐘訓到死豬咁:O

夜啲會合埋RICKY食野啦，好耐冇咁既機會傾咁多野-V-

認真咁多個同性朋友之間最開心就係同佢相處囉^0^

至少個思維方式差唔多@@ 都有好多野願意同佢分享:P

不過呢日個四手聯彈比賽遲左開始，我地等到好眼訓>_<

之後仲要聽個助手講規則，真係差唔到訓著架喇X___X

我都知人地彈錯我地笑到張櫈震晒真係唔多尊重架喇@@

但係...真係忍唔到-W- 加上我地兩個都係一笑不可收拾既人...

明明已經笑完過幾秒諗番又笑過，比身邊果啲人望住晒LOL

唯有先深呼吸再用力禁住個鼻先至可以令到自己靜止落黎:S

有次我身邊個女仔笑到癲左，我暗暗咁樣笑左一下咁多啦，

點知佢個PARTNER話，你隔離位笑你喇，收聲啦咁樣@@

明明冇咩感覺，但聽到呢句即時開震制笑到比RICKY打.3.

當然今年都有啲貌似好醒，但係上到台緊張到失憶LOL

跟住成首歌都係撞位超難聽咁樣搵啲音出黎，都幾悽慘-V-

亦有啲愈彈愈快，想超越極限咁，理得個拍擋跟唔跟到+__+

最好笑仲有啲個樣胸有成竹，原本以為係黎搵中級組機啦*O*

點知-___- 上堂演奏又係得啖笑-W- 真係睇錯左佢地囉haha.

至於我地兩個今次尚算可以啦，當然差唔多到我地果陣幾緊張，

始終上年有少少幸運地攞左季軍，今年固然想KEEP住攞啦-V-

跟住RICKY仲話首歌咁樣實要攞獎，唔多唔少比左啲壓力我...

不過呢次我地既表現有啲反常LOL竟然係RICKY衝快-W-

快到我彈彈下要SHUHH佢囉，好彩之後都夾得幾好咁啦^0^

唔知點解我呢兩年都係要彈左大半頁先至開始投入到咁囉:O

維持左差唔多兩個鐘頭既比賽，終於輪到頒獎既時候喇@@

其實我同RICKY心目中都估到幾隊，嘿三隊中左兩隊-V-

但係冠軍果個組合真係爆冷，印象中彈得唔係特別好ORZ

所以話呢啲野好主觀囉@@ 最重要果PAIR是說國語的>_<

離開會場之後RICKY話佢爸爸可以載我走...真係多謝晒:$

記得果晚返到屋企係成個人冇上鏈咁，個頭同喉嚨仲有啲痛...